Shillong, Lber 21: Ka Hynñiewtrep Youths’Council (HYC) Education Cell CEC, kam sngewiahap satia halor ka jingpynlip light ba khah khah Jong ka tnad Sam bording ka Meghalaya Power Distribution Corporation Limited (MPDCL) kaba la ktah bad pynthut shibun eh iaki Khynnah bad ki samla pule ka jylla kiba dang don ha ki examine.
Ki samla ki ban ia khun ia ka eksamin Class 10 bad class 12 kiba dang pynkhreh iaka exsamin SSLC bad HSSLC kaba sa long ha u bnai April. Ka Sorkar jylla kan hap ban shim iaka jingbah khlieh Lada jia ba ki khynnah bad ki samla pule ka jylla ki phail ha ki examine Jong ki, tang namar ka jingbym don iaka light ban khreh kot haka por mynmiet.
Ka Seng ka pynrem jur halor ka jingdkhot treikam ka MPDCL bad halor ka jingbym lah ban siew iaka Ram da ki spah klur tyngka ha ka NEEPCO kaba la pynsyrtok kylla pat iaki nongshong Shnong Jong ka Jylla.
Ki paid nongshong Shnong ka jylla kiba thang iaki light ha ki iing ki sem ki siew pyndep beit iaka Bai thang light ka Jong ki man laka bnai, balei pat ki dang hap mad iaka jingshah pynsyrtok haka Tnad MPDCL kaba la kylla long pynban Kum ka Tamasa Shong dum ba shisien shisnem iaki paid nongshong Shnong ka jylla.
Ka seng ka pynremjur ruh iaka Sorkar jylla khamtam ia u power minister incharge u James Sangma u bym shim la lah ban (perform) iaka kamram ba la bynshet ha u, Kum u power minister ban peit na bynta ka bit ka biang Jong ki paidbah ka jylla ban ym nym don Kano Kano ka jingthut halor ka rukom Sam bording Sha ki nongshong Shnong.
Ka Seng ka dawa jur na u Myntri rangbah ka jylla u Conrad Sangma ban yn tuklar bad iakren Mardor bad ki Bor pyniaid ka NEEPCO halor ka jingshah ot bording bad ban wad ki lynti kumno ban weng Noh Mardor ia Kane ka load Shedding ba 11kynta ha ka Shisngi ha ka jylla hi baroh kawei.
Halor ka jingthmu pynlip bording ka sorkar jylla ka ka KSU ka ong wat pynlong langknia ia u paidbah khamtam ia ki khynnah Pule.
Ka Education Cell jong ka Khasi Students’ Union (KSU) ka pynpaw iaka jingsngewkhia kaba khraw halor ka jingshim rai jong ka Sorkar jylla ban pyntrei kam biang iaka jingpynlip bording (Load shedding) hakum kane ka por ha kaba ki samla pule jong ka jylla hi baroh kawei ki dang don hapdeng ka jingleh eksamin bapher bapher.
Ka seng haka jingiakynduh bad u Minister of Power, James Sangma jong ka sorkar jylla haka 08.03.2021 kala dep pynsngew iaka bynta jong ka jingdon eksamin kaba la sdang naduh ka 15.03.2021 bad ka pynpaw iaka jingsngewkmen ba tang hadien arsngi la weng noh iakatei ka jingpynlip bording (Load shedding).
Hynrei ka Seng ka dap pat da ka jingkyndit ba tang hadien shitaiew ka jingpyntikna jong u minister ba dei khmih bad hapdeng San sngi jong ka jingiaid ki eksamin, Ka Sorkar jylla ha ka 19.03.2021 Lyngba ka Meghalaya power distribution corporation limited ka la pynmih iaka jingpyntip paidbah (Notice) ban pyntreikam biang iaka Load shedding ha ka jylla.
Ka education cell jong ka Seng ka sngew ban pynrem jur iakane ka jingleh jong ka sorkar kaba khlem ka jingmut bad jingpyrkhat iaki paidbah bad khamtam eh iaki samla pule.
Ka seng kan ym pdiang iaka kane ka jingpynlong Langknia iaki paid ka jylla tang namar ki jingialehkai politics ba jakhlia Jong kiwei ki ar bad lyngba kane ka kyrwoh ka Seng ka krenshai ba ka seng kan nym sngap jar iakane ka bynta bad ka Sorkar jylla kan hap shim iaka jingbah khlieh lada mih ki kynrum kynram ha ki jaka Pule namar ka jingpynlip iaka bording.
