Shillong, Nohprah 24: Ki paidbah Khristan ha kylleng jong ka jylla Meghalaya khamtam eh ha kane ka nongbah Shillong kumba ka paw kila pyniram ia ki iing ki sem ban leh kmen Khristmas da kaba wah ia u khlur ha ki iing ki jong ki.
Ha kine ki sngi la iohi ia ka jingtuid jong ki paidbah sha ki iew ki hat ban iathied ia pet bad ban ia khublei ia ki paralok para jor baroh ha ba ki ia kkynduh haneng ha rum ha ka leit ka wan ka jong ki.
Ka jingktah ha kane ka jingleh kmen khristmas kaba mynta u snem ka long ba h kine ki sngi kala don ka jingiakhih ban dawa ia ka ILP bad kane kala pyndun ia ka jingiaid Carol jong ki kynhun balang bapher bapher.
Kaei kaba la ktah ka long ba man la u snem la juh iohi ia ka jingdie ia ki dieng kseh ha Motphran ha kum kane ka por khrsitmas hynrei mynta ka kynti kam shym don kata ka jingdie namar ka jinglyngkot jong ka por ha kaba ki paidba ki dang jong ka jingsngew syier wat la ka sor Shillong kala wan phai biang ka shong suk shong sain.
