Shillong, Nialar 17: Ka KSU jong ka East Jaintia Hills District ha ka 16 tarik u Nailar 2024 ka la leit ban pynsangeh iaka jingtrei ba la trei ban tei iaka iing mane Blei ki kynhun Hindu ha phyllaw ka District court Khliehriat ba don syndah bad ka DC office.
Ka jing leit pynsangeh ka seng mynta ka sngi ka long ba hadein ba ioh jingtip ba iakane ka jaka mane Blei ki shit niam Hindu ki thmu ban phah shna jubor bad rah shadein khyndiat iaka jaka mane jong ki kaba ia tyngkhuh bad ka kynroh ka District court Khliehriat.
Ka seng ha kane ka sngi ka la pynsangeh shisyndon ban pyntrei bad la maham ba lada dang iai pyntrei yn bah khlieh kiba ai hukum kaei ban jia. Ka seng mar mar ka ka thmu kynduh iaki bor district bad ba dei peit hynrei khlem shym la ioh ban kynduh iaki. Na ka liang ka seng ka la ioh ban pynsgew ia u DC halor kane ka mat lyngba ka phone bad u DC ruh ula pynpaw ka jingsngew kyndit thret.
Kum ban shu pynkynmaw ba ha ki sngi ba la leit ka seng ka la ioh ban ia kren halor kane ka mat bad na ka liang u DC u la kular kan nym don kano kano ka ban iaid sha khmat haba iadei bad katei ka jaka mane Blei bad ruh u la ong ia mynta yn pynneh iaka “Status Quo”.
U DC u la pynpaw sha ka seng ba un ai daka order ban pynsangeh shisyndon iaka jingthmu ban tei.Bad ka seng ruh ka la file iaka RTI halor kane ka mat hynrei mynta la iaid 35 sngi tam khlem pat ioh jubab bad wat la hadein ba la file iaka First Appeal. Ka seng ka buh jingkylli ba balei hap ban pynslem haduh kane imat ka don kaei kaei Sha lyndet
Ka seng ka pynpaw ka jingkyndit ba wat haba la don kata ka Status Quo hynrei kine ki riew ngeit Hindu ki thmu beit ban shna jubor bad klum jubor iaka jaka sorkar khlem khein snep iaka jingbtah ka sorkar bad khlem khein snep bad khlem burom satia iaka rai ka District administration.
Ka seng ka tip ruh lyngba ki tnat syntiat jong ka ba ia kane ka mat ka phail ba dei ban iaid na u myntri ba dei peit ka khlem iaid satia bad u khlem don jingtip eiei hynreu la shu ia sylla da u DC barim uba lah khmih iaka Ri Bhoi District mynta bad katto katne ngut ki nonglilam bad nong pynbor ban ioh NOC na ka dorbar shnong Khliehriat Pohshnong.
Ka seng ka pynpaw ba iaka jaka sorkar lah shah thombor kumne kaba kumno pat ka jingiada kan ai sha u paidbah haba shah klum jaka ha ki nongwei. Ka seng kan sa kynduh ha ki sngi ban wan ia u myntri ba dei peit halor kane ka mat bad ka seng ka maham ruh ba lada yn iai bteng kane ka jing leh donbor ka seng kan hap shim da ka sien jam ba tyngeh.
