Pynshai ka SAFF ba ha Meghalaya kam don kata ka jingniew bein ia ki niam kumba la kynnoh

Shillong, Risaw 29: Mynta ka sngi u President jong ka Shillong All Faith Forum (SAFF) u Rev Bishop Purely Lyngdoh President la ong ba ha kane ka jylla Meghalaya kam don kum kata ka jingban bein ia ki niam kumba la kynnoh ha ki Social Media.

Haba kren ha ki lat pathai khubor mynta ka sngi ha dien ka jingialang jong ka SAFF, la ong ba ha kane ka jingialang la shim ia ka rai ban kyrpad ia ki paidbah ka jylla, ki jaidniam bapher bapher, ia ki seng bhalang, ki seng sain pyrthei ba kim dei ban ngop ha kum kitei ki jingkynnoh.

Ha kane ka SAFF kaba don ia baroh ki jaidniam ha kane ka jylla Meghalaya kila ia kren ia kane ka phang bad kila shim ia kane ka rai ban kyprad ia ki paidbah nongshong shnong ka jylla ba kim dei ban shah ialam bakla ha kum kitei ki jingkynnoh namar kam dei ka jingshisha.

U Naba Bhattacharjee Vice President ba dei na ka Central Puja Committee ba baroh ki jinglehniam puja ha kane ka jylla Meghalaya kila iaid beit bad kane baroh ka dei da ka jingkyrshan jong ki trai shnong.

U la kyntu ia ki paidbah ba kim dei ban ngat ha ka jingriam shangkhawiah ki briew kiba na bar. U la ong ba kito ki briew kiba kren ai kin wan shapoh ka jylla ban ia kren ban ia sngewthuh.

U Rev Edwin H Kharkongor  la kyntu ia ki lat pathai khubor ba haba ki thoh ia kano kano ka khubor ki dei ban thoh ia ka jingshisha namar ki lat pathai khubor ki don ia ka bynta kaba khraw ha ka imlang sahlang.

U Bah Noor Nongrum u la ong ba ka jylla Meghalaya ka dei ka bynta jong ka Ri India bad kum kine kim juh don ha kane ka jylla kata ka jingshah ban bein, kum ka kynhun kan saw at bniah halor kane ka jingkynnoh.

Haba ia dei bad kane ka jingkynnoh lada don kam kum ka kynhun ka lah ban leit ia kynduh ia ka sorkar ban ia kren bad la kyrpad ia ki paidbah ba kin nym shah skhor ia kum kine ki jingkynnoh kiba khlem nongrim.

What Next?

Recent Articles

Leave a Reply

Submit Comment

*