Pynshekm  ka HYC ia ka shnat  ha Diengïei, u Bah Hamarsing kum u president

Shillong, Naitung 14: Ban pynkhlaiñ ka jingpeitngor iaka Jaidbynriew lajong,pyniar tnad treikam ba thymmai ka HYC Sengkmie da kaba pynskhem iaka HYC Diengïei Circle kaba kynthup iaki Samla Rangbah na ki 36 tylli ki Shnong haka thaiñ Diengïei haka 12.Naitung.2019,ha kane ka sngi iaka jingialang pynbam Smai iaki nongkitkam ka HYC Diengïei Circle la ia don lang naduh ki Nongialam ka HYC Sengkmie, u Samla Rhembor G Saibon Vice-President,Samla Issac Basaiawmoit Asst.General Secy, Gee Mawlong Organising sekretari bad kiwei ki nongialam ka seng.

Ki  Nongialam naka HYC Nongthliew Circle,Secretary Senglongkmie Diengïei, ki riew Rangbah, u Vice President ka Synjuk ki Khlieh Nongsynshar Shnong ka Diengïei bad ki dkhot jong ka HYC Diengïei Circle,iakane ka jingialang la pyniaid da u Samla Gee Mawlong Organising Secy ka HYC Sengkmie,ka Jingduwai na u Samla Over Mawlong, ka jingkren lyngkot bad kren ai Mynsiem iaki Samla Rangbah na u Vice President ka Synjuk ki Khlieh Nongsynshar Shnong ka Diengïei pyllun Bah Wanlambok Nonhrum.

Ia ka  jingkren maitphang iaki Nongrim jongka HYC na u Samla Marcos R Marthong Publicity Secy HYC Sengkmie, ka jingkren na u Samla Jop Kharnaior Asst.Education Secy bad iaka bynta ban pynbam smai la shim da u Samla Rhembor G Saibon u balong u Vice.President jongka HYC Sengkmie,haba ai jingkren iaki samla kiba iasoh haka HYC u Kongsan u la sneng la kraw iaki ba kin long ki Nongialam kiba shemphang haka jingialam iaka imlang sahlang kaba ka Jaidbynriew ka angnud la shi katta ‘nalor ki ishu kiba ka HYC kala shim.

U Nogialam ka HYC u bah Saibon u la ong ba ki poi ha katei ka jaka ka long ban sei iaki Nongialam haka Jaidbynriew Hynñiewtrep ki ban long kiba kynsai bad kiba lah ban wanrah iaka jingiatylli ban iakhun iaki jingeh kiba ka dong,ka thaiñ bad ka Jaidbynriew ngi ia kynduh’.’Ki jingshah kynthoh kin don Shibun haka jingiaid Lynti ban poi sha ka thong hynrei ngim dei ban kynran dien ia kum kita ki jingshah kynthoh namar ka Seng ka don iaka Nongrim ban ym pyndem ne randien iaki jingeh kiba wit ha shiteng lynti.

“Ka HYC ka don iaka Constitution kaba long ka Nongrim jongka Seng,kum ki Samla Rangbah ngi dei ban tip ba u Paitbah ka Jaidbynriew u ap khmih lynti hato phi don ne em iala kajong ka Nongrim, ban long u Nongialam haka HYC ngi dei ban lait naki jingmlien ba sniew, ngi dei ban pyn i iaka saiñpyrkhat Rangbah, ngi dei ban ieid ialade, ia i Mei i Pa,ki hymmen Para,iaka imlang sahlang,ka dong ka thaiñ bad iaka Jaidbynriew baroh kawei” ong u Samla Rhembor G Saibon.

Ha kane ka sngi la jied ia u Bah Hamarsing Marbañiang kum u president ka HYC jong ka shnat Diengïei, Bah Risai Majaw bad Bah Overgrain Mawlong kum ki vice president, Bah Wanplielad L.Nongbsap kum u General Secretary bad kiwei kiwei dei ki nongkit kam jong ka seng.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet