Pynshoh biej ka Indian Racing Festival ia ki paidbah ha Laitkor DGAR

Shillong, Iaiong 19: Ka JK Tyre, ha ka jingiatrei lang ryngkat bad ka Meghalaya Motorsport Society bad ka Assam Rifles (Laitkor), kila pynlong ia ka ‘Indian Racing Festival – a carnival of Total Control’ ha Shillong mynta ka sngi ha DGAR Cantonment.
Ha kane ka sngi u Lieutenant General Vikas Lakhera, Director General Assam Rifles, u la long kum u Kongsan ha ryngkat bad ka ka Rosetta Mary Kurbah ka Deputy Commissioner ka East Khasi Hills kum ka symbud kongsan.
Ki lum jong ka Laitkor ki long kiba biang tam ban rakhe ia kane ka jingpynher kali bad la sakhi ia ka jingleh drifting ia ka kali Lexus bad BMW, ia ki lai tylli ki Superbikes, ka jingpyni nam da ar ngut ki hep barit ha kaba iadei bad ki kali Rotax Karts.
U Lt. Gen Vikas Lakhera, DG ka Assam Rifles u la pynpaw ïa ka jingkmen da kaba ong, “Kane ka sngi ka long kaba sngewtynnad ban ïatreilang bad baroh ki paralok ha kane ka jingïalehkai ba kyrpang jong ka JK Tyre Indian Racing Festival.
Haba kren shaphang kane ka tamasa u Hari Singh uba dei u heh jong ka JK Tyre Motorsport u la ong, Ka jingwanrah ïa kane ka tamasa jong ka Indian Racing Festival sha Meghalaya ka la long kaba kyrpang shisha na ka bynta jong ka JK Tyre.
Kane ka jingleh drifting bad stunt ia ki kali bad ki bike ruh kumjuh kala pynshoh biej ia ki paidbah kiba ieit bad sngewtynnad ia ka jingpynher kali bad kumjuh ruh ka jingpynher ia ka kali formula kaba la niah da u samla napoh ka jylla Meghalaya u Jaden Pariat.