New, Delhi, Jymmang 09: Ka International Monetary Fund (IMF) mynta ka sngi kala bishar bniah ia ka prokram airam Extended Fund Facility (EFF) ($1 billion) bad ka la pyrkhat ruh ia ka prokram ai ram ba thymmai ka Resilience and Sustainability Facility (RSF) ($1.3 billion) na ka bynta ka
Pakistan.
Kum ka ri kaba long dkhot kaba trei shitom bad kaba don ka jingkitkhlieh, ka
India ka la pynpaw ki jingsngewkhia halor ka jingseisoh jong ki prokram jong ka IMF
ha kaba iadei bad ka Pakistan haba peit ia ka rukom treikam jong ka ha ki por ba la
dep, bad umjuh ruh halor ka jinglah ban pyndonkam bakla ïa ka pisa bala ai ram na
ka bynta ki kam lehnoh ba la kyrshan da ka sorkar.
Ka Pakistan kala long ka nongshim ram kaba la slem bha na ka IME, ka rukom treikam
jong ka, ka bym seisoh kala paw bha bad kumjuh ruh ha ka jingbud ryntih ia ki kyndon jong ka prokram jong ka IMF.
Ha ki 35 snem naduh u snem 1989, ka Pakistan ka la ioh ia ka jingphah pisa na ka IMF ha ki 28 snem.
Ha kine ki 5 snem ba la dep naduh u snem 2019, ki la don 4 tylli ki prokramjong ka IMF. Lada ki prokram ba mynshuwa ki long kiba jop ban wanrah ia ka jinglong jingman kaba skhem jong ka polisi kamai kajih,
ka Pakistan kan ym phai sha ka Fund na ka bynta kawei pat ka prokram ai jingiarap.
Ka India ka la kdew ba kum kane ka rukom treikam ka buh jingkylli ia ka jingtreikam jong ki prokram jong ka IMF ha kaba iadei bad ka Pakistan ne ka jingpeit bniah jong ki ne ka jingpyntreikam ia ki da ka Pakistan.
Ka jingtuklar jong ki shipai Pakistan haki kam kamai ka wanrah ïa ki jingma kiba khraw jong ka jingthut jong ki polisi bad ka jingpynpulom ia ki jingpynkylla.
Wat haba ka sorkar paidbah ka don ha ka bor mynta, ki shipai ki dang iai bteng ban leh ia ka bynta kaba palat ha ka sain pyrthei hapoh ka ri bad ki tuklar bha ha ka ioh ka kot. Ha ka
jingshisha, ka kaiphod jong ka UN ha u snem 2021 ka la batai ïa ki kam khai kiba ïadei
bad ki shipai kum ka “jingiasoh kaba heh tam ha Pakistan”.
Ka jinglong jingman kam shym la kylla sha kaba bha; hynrei ka kynhun shipai jong ka Pakistan mynta ka don ka bynta kaba hakhmat eh ha ka Special lnvestment Facilitation Council jong ka Pakistan.
Ka India ka la ithuh ia ka bynta kaba iadei bad ka Pakistan hapoh ka kaiphod jong ka
IMF ‘Evaluation of Prolonged Use of IMF Resources’.
Ka kaiphod ka la kdew ba kala don ka jingsngewthuh kaba la saphriang ba ki jingpyrkhat sain hima sima ki don ka
bynta kaba kongsan ban leh ha ka jingai ram jong ka IMF ia ka Pakistan. Namar ka
jingai jingiarap bunsien, ka jingkit ram jong ka Pakistan ka long kaba heh bha, kaba
pynlong ia ka kum ka nongkit ram kaba heh palat ban ym seisoh ki kam na ka bynta ka
IMF.
Ka India ka la ong ba ka jingai jingiarap ia ki kam lehnoh kiba pyniaid sha kiwei kiwei ki
ri ka ai ia ka khubor kaba ma ia ka imlang sahlang ha ka pyrthei, ka buh ia ki kynhun
pynbiang pisa bad ia ki nong synniang pisa ha ki jingma kiba lah ban ktah ia ka nam,
bad ka long pyrshah ia ki jingngeit tynrai jong ka pyrthei.
Katba ka jingsngewkhia ba ki jingwan rung pisa na ki jaka pynbiang pisa jong ka pyrthei, kum ka lMF, ki lah ban shah pyndonkam bakla na ka bynta ki jingthmu lehnoh ba la kyrshan da ki shipai bad ka sorkar ka dei ka kam kaba bun ki ri ba long dkhot ki sngewkhia bha, ka jubab jong ka IMF ka long kaba la khanglad da ki rukom treikam bad ki jingdonkam katkum ki rukom treikam.
Kane ka dei ka jingduna kaba jur kaba pynpaw ia ka jingdonkam kyrkieh ban
pynthikna ban peit bha ki kynhun pynbiang pisa jong ka pyrthei ia ki rukom treikam ba
don jingbahkhlieh. Ka lMF kala shim khia ia ki jingsngew jong ka India bad ka jingkiar jong ka ban thep vote.
