Shillong, Risaw 26: Mynta ka sngi ka kynhun Sohra District Demand Forum (SDDF) kiba dawa ban pynioh ia ka District hapoh ka thain Sohra kila ia kynduh ia u myntri rangbah ka jylla u Conrad K Sangma ban pynkynmaw ia ka jingdawa ban ai District ia ka thain Sohra.
Haba kren ha ki lat pathai khubor u Secretary ka kynhun u bah John Thabah la ong ba ha kane ka jingiakynduh kila ia kren bad batai shai ba ka Pynursla bad ka Mawsynram kim treh ban wan sha kane ka Ditrict kaba thymmai ba di tip bha iakane.
Kane ka District thymmai kan long tang ban shu kyntiew ia ka Sohra Civil Sub Division sha ka District bad kin don tang lai ne saw tylli ki shnong ki ban nym hapoh kane ka District kaba thymmai, tang na kadaw ki lai ne saw tylli ki shnong ban pynsangeh ia ka District kam iahap.
Ha kane ka jingiakren bad u myntri rangbah la ong ba ia kane ka jingai jingmut u myntri rangbah un sa phah ka kane ka kynhun bad ynda kila ioh kin sa ia peit bad kane kan dang iaid lada kloi lei kan bha palat ia kane ka kommitte kaba khlieh da u Chief Secretary namar ia kane ka phail u myntri ranbah un sa phah sha u Chief Secretary.
Ha kane ka jingiakren u myntri rangbah la ong ba lada kane ka District kan urlong ka nongbah kan long ha Sohra na kane ka jingiakren mynta ka sngi u mytnri rangbah ka jylla u shai bha ha kaba ia dei bad kane ka jingdawa District.
Ki jingeh kiba mih don tang lai saw tylli ki shnong ban ia pynbeit ia ka kyrteng hi ki ai jingmut ba dei ban long da ka Sohra District, kane ka District kan kynthup ia ki ar tylli ki Konstitwensi ka Sohra bad Shella bad ki shnong ki don kumba 200 tylli.
Bah John la ong ba lada kane ka jingdawa kam urlong mynta ruh kin dang iai bteng ia kane ka jingdawa haduh ba kin da ioh, lah ban pynkynmaw ba kane ka jingdawa ban ioh ia ka District ka long naduh ki por mynshuwa.
