Shillong, Iaiong 30: Halor ka jingshim nuksaan na ki sniang ha ka 13/4/2021 ia ka ba la ioh pdiang ia ka kaiphot na ka ICAR-National Institute of High Security Animal Diseases (NIHSAD) Bhopal kala pynthikna ba ki sniang ha Meghalaya kila ioh pang African Swain Fever.
Ban iada na ka jingsaphriang kane ka jingpang katkum ka bor bala pynkup ha ka kyndon ka ba 6 jong ka ain ‘Prevention and Control of Infectious and Contagious Diseases in Animals Act, 2009’.
Ka sorkar Meghalaya ha ka 27/4/2021 kala pynbna ia ka shnong, Mawlai Nongkwar, Pig Farm Nongpyiur, Thangsning, Kseh Pyndeng, Nongkseh Lygkyrdem ha East Khasi Hills District; Raitong, Umran Dairy bad Patarim ha Ri Bhoi District bad ka Pig Farm Nongstoin ha West Khasi Hills District kum ka ja ka pdeng ba sdang kane ka jingpang African Swine Fever ki sniang.
Katkum ki kyndon bala pynkhreh da ka Ministry of Fisheries, Animal Husbandry bad Dairying, jong ka sorkar pdeng bad shikilo meter sawdong jong kitei ki ja ka la niew kum ki ja ka ba shah ktah ha kane khlam sniang bad ia ki shnong bad don 10 km sawdong la niew kum ki shnong ba hal ha ka jingpeit bniah.
Kane ka long katkum ka jingpyntip jong u Principal Secretary jong ka sorkar Meghalaya ba dei peit ia ka tnad ri mrad.
