Shillong, Risaw 29: Ka seng KJNU mynta ka sngi kala phah da ka jingthoh sha ka Meghalaya State pollution Control Board mynta ka sngi ban pyrshah ia ka jingpynlong ia ka jingsngap paidbah halor ka M/s Star Cement Ltd ha ophis jong u DC ha khliehriat East Jaintia Hills District ha ka 21/11/2020.
Haba kren ha ki lat pathai khubor mynta ka sngi president ka seng u bah Niman N Sahdap u la ong ba ka seng ka pyrshah ia kane ka jingleh ban pynlong ia ka jingsngap paidbah ha DC ophis bad kata ruh la shah tang 100 ngut, hato kane ka jingsngap paidbah ka dei mo.
La iathuh ba ia kane ka jingujor la dep ban ai jingthoh sha ka ophis jong u Deputy Commissioner jong ka East Jaintia Hills District ban pynpaw ia kane ka jingpyrshah, ha ka jingshisha ia ka jingsngap paidbah dei ban pynlong ha jan jong ka jaka ba don ka par kaba ka M/s Star Cement Ltd ka mut ban shim.
La pynkynmaw ba haba ia dei bad kane ka jingsngap paidbah la dep ban pynlong ar sien bad ha baroh ar sien kila jop kiba pyrshah balei hap ban khot biang bad ka jingkot ruh ka long ha ophis jong u DC, kane ka jingleh ka kren shai ba don kaei kaei kaba sha lyndet.
Na ka liang jong u nongialam ka KJNU u la ong ba lada ka don kano kano ka jingjia ha katei ka sngi namar ba ki paidbah kim ioh ban iashim bynta namar ba u DC u la buh ban shah tang 100 ngut ki briew ka ophis jong u DC ka hap ban shim ia ka jingkitkhlieh namar ki paidbah ka East Jaintia Hills ki pyrshah ia kane.
