Shillong, Risaw 19: Ka Khasi Students’ Union (KSU) ha ka sngi thohdieng ka la leit ban ia kynduh ia ki nongpyniaid ka MeECL hadien ba ka la ioh jingtip ba ki don ki briew ba sah ha them Iew Mawlong kila leit ban pan bording ilektrik ha kaba ka jaka mynta ka dang don ha pdeng ka kynrum kynram kumno ki lah ban pan bor ding iletrik.
Ka KSU hapoh ka jingialam u samla Ostarnic Marbaniang Assistant Organising Secretary, KSU CEC bad u samla Iashanborlang Mukhim Executive Member, KSU CEC lem bad ki dkhot ki la dawa na ki bor pyniaid ka MeECL ba kin kyntait ia kin ia kane ka jingpan ding ilektrik.
Ka nongrim ba ka seng ka buh ia kane ka jingdawa ka long namar ba ka kam ha kaba ia dei bad ka tei ka jaka ka dang don ha ka kynrum kynram. Ka seng ka lyngngoh ba kumno ki nud ban leit pan bording ilektrik na ka MeECL haba kim pat lah ban pynshisha la ki dei ne em ki nongtrei Municipal lane ki dei ki nongshong beain.
Ka seng KSU kala ong ba namar tad haduh kane ka khyllipmat kim shym la lah ban pynshisha ha ka Shillong Municipal Board katno ngut kiba dei ki nongtrei jong katei ka board wat lada ka Board ka la phah ar sien ar wat ki nontrei ban lum jingtip shaphang kiba shong basah hangtei ha them Iew Mawlong.
Shuh shuh ka seng kam sngew shong nongrim ia ka MeECl ba kan ai bording ilektrik ia ki namar lada ka ai ka mut ka ai bording ia ki nongshong beain. Khatduh khatwai ka seng ka kyntu biang sa shisien ia ka sorkar bad ka HLC ba kan pynkloi noh ban pynbeit ia katei ka jaka la ong u Samla Donal V Thabah General Secretary ka seng.
