Khliehriat, Rymphang 17: Ka East Jaintia Hills District Basketball Association, Khliehriat ka la pynlong ia ka 3rd open Basketball Tournament -2021 kala poi sha bakut kaba la long ha madan basketball jong ka Jaintia Eastern College ha Khliehriat.
Ha kane ka sngi U Kongsan U dei u bah Thynda Sana Uba dei u Working President Ka Khliehriat Block Congress committee (KBCC) bad U symbud Kongsan dei u bah Chrispin N Dkhar uba dei U President jong ka Khliehriat Assembly Youth Congress (KAYC) bad la pyniaid iaka jingialang da u bah Deibormi Syad President ka East Jaintia Hills District Basketball Association, Khliehriat.
U bah Thynda ba dei u kongsan ha jingkren jong u , ula ai khublei ia ka association ba kala lah ban pynlong kum kane ka jingialehkai manla u snem bad u ia kyntu ruh iaki player baroh ban don ka discipline, team spirit bad kane ka kam ialehkai ka iarap bha shibun ruh haka liang ban ioh ka koit ka khiah.
Ha kane ka jingialehkai phainal kaba la long hapdeng ka DLM, Dkhiah East pyrshah iaka Old Skool Baller da 34 la 32 basket. Ha kane ka jingialehkai ka DLM Dkhiah kala long ka nongjop pyrshah ia ka Old Skool Baller da 34 la 32, bad ki kyntthei ka Dkhiah East Team kala jop pyrshah ia ka Jowai Team da 28 la 6.
Hakane ka sngi ruh ka don ka jingialehkai final jong ki Kynthei hapdeng Ka Jowai Team bad ka Dkhiah East Team bad la jop daka Jowai team da 28 la 6 basket.
La Sam ia ka trophy ruh sha kine nongjop da u Kongsan bad symbud Kongsan. La iadonlang hakane ka sngi U Ka Kong Delightful Lamare General Secretary ka EJHDBA, U Ma Gerald Phawa, Ma Benjamin Darnei bad kiwei kiwei.
