Shillong, Nohprah 10: Ka jingialang jong ka Kabinet mynta ka sngi la shim ia ka rai ban phah biang sha u Lat jong ka jylla ban pynjari ia ka Administrator Rule hapoh jong ka KHADC, ka daw ka long ba kam don ia ka jingskhem.
U Myntri rangbah u Conrad K Sangma u la ong ba kaei kaba la jia hapoh jong ka KHADC ka long ba tang hapoh sitaiew kala don ka jingiakyrtoh dieng kper ha kaba u wei u MDC na kawei ka kynyhun u la phai sha kawei ka kynhun bad kane kala wanrah ia ka jingbym skhem hapoh jong ka KHADC.
Na ka liang jong ka cabinet mynta ka sngi kala shim ia ka rai ban phah biang ia u Lat ka jylla ban pynjari ia ka Administrator Rule hapoh jong ka KHADC, na ka liang jong ka sorkar kan phah lang ruh ia ki kot ki sla sha u Lat ka jylla.
Haba ia dei bad ka jingtreikam jong u Lat na ka liang jong u mytnri rangbah u la ong ba un kwah ban kren ei ei. La ong ba ka jingphah biang jong ka Kabinet sha u Lat ia ka Administrator Rule ka long ba ka sorkar ka ioh ba kam don ia kata ka jingskhem hapoh jong ka KHADC.
