Shillong, Iaiong 28: Ka iing bishar jong u District Session judge mynta ka sngi kala rai ban phah hynniew sngi sha ka Judicial Custody ia u president ka NEHUSU u samla Sandy Sohtun bala kem halor ka jingkynnoh ba la don kti ban shoh ia u Dr. Alok Singh nonghikai ka NEHU.
Ki pulit halor ka ejahar kaba la ai da u nonghikai ka NEHU u Dr, Alok Singh mynta ka sngi kila kem ia u President ka NEHUSU u samla Sandy bad ha dien ba kila kem la rah sha iing bishar ban tian bishar bad ka iing bishar kala ai rai ban buh hynniew sngi hapoh jong ka Judicial Custody ban tohkit.
U Assistant Prof Dr. Alok Singh u la kynnoh ba u President jong ka NEHUSU bad katto katne ki Samla ki la shoh ia u bad u la ujor da ka ejahar ha Mawkynroh Outpost, na ka liang jong ki pulit kila kem halor ka ejahar kaba la ujor da nonghikai.
Katba ha ka skul bah NEHU ha dien ba ki pulit kila kem ia u President ki samla pule kila bthah ia ki pulit ba kin mih noh na ka phyllaw jong ka skul bah NEHU, ia kane la kren ha khmat jong Magistrate ba don ha katei ka jaka.
