Shillong, Nohprah 13: U Myntri Rangbah ka jylla u Cornad K Sangma la ong ba mynta ka sngi ha ka jingialang jong ka Kabinet kila ia kren shibun ki mat ia kaba la pdiang ruh ban pyntrei kam ia ki mat kiba la shim ia ka rai.
Ha kane ka jingialang ka kabinet kala shim ia ka rai ban kyntiew ia ka jingiarap pisa sha ki Adhoc College kiba don hynniew tylli ha ka jylla, namar kumba ka long mynta 75% la siew da ka sorkar 25% la siew da ki managing committee ba dei jong ka college.
Kine ki College kiba ioh ia ka jingiarap pisa kum ki Adhoc college ki logn ka Raid Laban College, Wemens College, Trikikilla College, Durama College, Mahendraganj College bad ka Sohra Colleg, kine ki College kim ioh ia ka jingsiew kakum ka Fifth Pay Commission.
Haba la kren bniah la shem ba kine ki college kidei ban ioh ia ka tulop jong ki katkum ka Fifth Pat Commission, namar ka jingbym ioh ka jong ki ia katulop kane kala buh ka kabinet mynta ka sngi kala shim ia ka rai ban siew ia ka tulop kaba sha jong ki kaba la kot sha T.11 klur tyngka.
Kawei pat ka rai kaba la shim mynta ka sngi ka long ban thung kam hapoh ka Government College of Engineering Shillong bad ia ka College for Architecture and Urban Planing Tura, ha kine ki ar tylli ki College ka jingtei ia ki iing 99% la dep ban shna bad mynta ka pdiang ia ki kam ban thung ha kitei ki ar tylli ki college bad la kyrmen ba jingpule kan sdang ha u Nailar 2023.
Ka sorkar ruh kala wanrah ia ka jingpynkylla ia ka Meghalaya Health Service Rule bad la kyntup lang ruh ia ka Meghalaya Medical Recruitment Board ruh, la leh ia kane khang ba ka MMRB kan lah ban trei kam bad ka lah ban pynlong ia ki elsamin ban thung kam hapoh ka tnad ka koit ka khiah kum ka kam Doktor.
Ka National Human Right Commission (NHRC) kala bthah ia ki sorkar jylla ba ki don kam ban siew bai lut ksan lada don ka jingiap ki koidi, katkum ka jingbthah ka NHRC bad ka kabinet kala pdiang ia kane bad ia kane ruh yn sa pynbna paidbah.
Ha kane ka jingialang ka kabinet kala pdiang ruh ia ka rai ban don ia ki New People College ba kin don ha ka jylla, ka kabinet kala rai ban pyntrei kam ia ki 12 tylli ki News People College ha kylleng ka jylla.
Ki 12 tylli ki College ki long ka, Thomas Jones Synod College Jowai, Abong Noga College Tura, Khrawsing College Mawphlang, Riwar College Pynursla, Loyola College Williamnagar, Balawan College Umsning, Mawsynram Border Area College, Selsella Collge, Seng Khasi College Jaiaw Shillong, Mendipathar College, Sngap Sing Memorial College Mawkyrwat bad ka Trikikilla College.
