Shillong, Kyllalyngkot 30: U Myntri synbut rangbah ka jylla u bah Prestone Tynsong mynta ka sngi u la iathuh ba ka kabinet kaba la long mynta ka sngi kala shim ia ka rai ba ia ka jingbit ban shna iing ha ki jaka ba sha bar jong ki jaka jong ka Municipal yn aiti noh sha ki District Council.
Na ka liang jong u symbut myntri rangbah u la ong ba baroh kito ki jaka kiba don sha bar jong ka Municipal kyntup ia kito ki jaka kiba hap hapoh jong ka Shillong master plan mynta kan leit noh sha ki District Council.
Haba ia dei bad ka jingdon kam ia ki engineer, ki District council kin hap ban buh ia ka engineering wing, ka jingiapher hangne mynta ka long ba ki paidbah ki hap ban leit ban pan ia ka jingbit na ki District Council khlem da wan sha ka MUDA.
Haba ia dei bad ki kyndon shna iing kin long ki juh, namar ka jylla Meghalaya ka hap hapoh ka jaka jong ka jingiaid lynti jong u jumai bynta ba san, kumta hap ban bud ia ki kyndon. Na ka liang jong u myntri u la ong ba u don ka jingshah niah ba ki District Council kin leh kham bha.
Haba ia dei bad ki kyndon trei kam ha kaba ia dei bad ka jingbit ban shna iing kan long ka juh ia ka baroh lai tylli ki District council bad la leh ia kane ka long ba kaba kongsan ka long ka jingsngew shyngian ia ki paidbah. Kane ka dei ka jingkwah jong ki paidbah.
