Shillong, Jymmang 25: U Myntri rangbah ka jylla u Conrad K Sangma mynta ka sngi u la ong ba ka kabinet mynta ka sngi kala shim ia ka rai ban pynkylla ia ka Meghalaya Secretariat Service Rule 1992, ha kaba ia dei bad ka bor ban thung kam ha ka kyrdan Under secretary, Deputy Secretary bad Joint Secretary.
Mynshuwa haba thung kam ha kane ka kyrdan u Lat jong ka jylla u dei uba don ia ka bor ban thung kamha katei ka kyrdan hynrei ban shim ia ka por la wanrah ia ka jingpynkylla ba ia kane kam ban thung la aitinoh ia ka bor sha Chief Secretary la shim ia kane ka rai ka long ban pynkloi ha kaba thung kam.
Ka Kabinet mynta ka sngi kala shim ruh ia ka rai ban pynwan dur thymmai ha kaba ia dei bad ki kyiad baphreng bad ki don ki kyiad kiba la pynkiew dor kumba la leh lem da kiwei ki jylla bad ka Meghalaya ruh kala bud lang ban pynkiew ia ka khajana jong ka kyiad, da kane ka jignpynkylla ka sorkar jylla kan ioh tam ka khajna kumba T.25 klur tyngka.
Ka kabinet ruh kala shim ia ka rai ban pynkiew ia ka tulop kiba hap hapoh jong ka All India Council Technical Education (AICTE) kane kan long tang ia kito kiba trei hapoh jong ka Shillong Polytechnic bad kiwei kiba phah sha ka Directorate Higher Technical Education kane kan trei kam tang ia kito kiba la lah ban pynbiang ia ki kyndon kiba la buh ki don kumba 32 ngut kiba pynbit pynbiang ia ki kyndon.
Ka kabinet kala pdiang ruh ia ka jingpynkylla ia ka Meghalaya Agriculture Engineering Medical Rule, kane ka long ban ban pynkiew ia ka jingkiew kyrdan na ka tnad hi na ka 25% sha ka 30% la leh ia kane namar baroh kiwei ki tnad sorkar ruh ki long 30% ka jingpynkiew kam na ka tnad sorkar.
Ha kane ka jingialang mynta ka sngi ha kaba ia dei bad ka jingpynmih bor ding na ka Umiew River Stage-I ka ban pynmih 50 megawatt kaba bad Stage-II kan pynmih 100 megawatt ka kabinet kala shim ia ka rai ban nym shim shuh iaka pisa kaba shilak na ka shi megawatt ia kaba la tip kum ka jingsiew kaba hap ban shiew shuwa kane ka dei ka jingkyrpad na ka sorkar pdend namar ka NEEPCO ka dei ka kompeni sorkar pdeng.
Hynrei ka kabinet ka khlem pdiang ia ka jingpan ban pynduh noh ia ka jingailight ei 12% sha ka jylla, ia kane ka kabinet kala pynneh ia kaba la iakut ba ka NEEPCO ka dei ban ai sha ka jylla 12% ka light, na ka liang jong ka tnad pynmih bor ding ka sorkar pdeng kala pan ruh kiwei kiwei ki bynta hynrei ka kabinet kala pdiang ban weng ia ka jingsiew kaba shisien iew kaba dei shilak tyngka shi Megawatt.
