Shillong, Nohprah 20: Ka jingialang jong ka kabinet kaba la long mynta sngi kala shim ia ka rai ba ia ka ilkeshon MDC sha ki iing dorbat thawain jong ka JHADC bad KHADC kan long ha ka 27th Rymphang 2019.
Haba kren ha ki nongthoh khubor ha dien ka jingialang jong kabinet u symbut rangbah u bah Prestone Tynsong u la ong ba ka jingialang jong ka kabinet kaba la long mynta ka sngi kala shim ia ka rai ba ia ka ilekshon sha ki ar tylli ki iing dorbar jong ka ki District Council ka KHADC bad JHADC ka sngi thep vote kan long ha ka 27th Rymphang 2019.
La iathuh ba ia ka ilektoral roll yn pynmih ha ka 12th Kyllalyngkot 2019, lada don kano kano ka jingujor ne ban pynrung kyrteng kan long ha kan long ha ka 22nd Kyllalyngkot 2019 bad ka sngi ban pdiang khatduh ia ka jingujor ne ban pynrung kyrteng kan long ha ka 26th Kyllalyngkot 2019 ka sngi bad ia ka phainal ilektoral roll yn pynmih ha ka 30th Kyllalyngot 2019.
Ia ka tarik ban pynbna ia ka ilekshon yn pynmih ha ka 02nd Rymphang 2019 bad kan sdang ka jingthep kyrteng jong ki kyrtong bad ka tarik kaba khatduh ban thep kyrteng kan long ha ka 07th Rymphang 2019, ka jingbishar bniang ia ki nomination kan long ha ka 08th Rymphang 2019 bad ka sngi kaba khatduh ban weng na ka lyngpung jong ia khun kan long ha ka 09th Rymphang 2019 bad ka sngi thep vote kan long ha ka 27th Rymphang 2019, ka sngi ban niew vote kan long ha ka 02nd Lber 2019.
U bah Prestone u la ong ba ka kabinet ka la pdiang ia kane ka jingtyrwa bad ka Model Code jong ka Conduct kan trei kam noh naduh ka sngi kaba pynmih ia ka jingpynbna ia ka ilekshon.
