Shillong, Naitung 19: U Myntri Rangbah ka jylla u Conrad K Sangma u la iathuh ba ka cabinet ha ka jingialang kaba la long mynta ka sngi kala shim ia ka rai ban pynimbiang ia ka Mawmluh Cherra Cement Limited (MCCL) ha Sohra da ka Joint Venture.
Haba kren ha ki lat pathai khubor mynta ka sngi u la ong ba, ka sorkar kala dep ban phah peit bniah katno ka jinglut lada hap ban pynim biang ia ka MCCL bad katkum ka kaiphot la shem ba kan lut haduh T.190 klur tyngka ia kaba ka sorkar kan nym lah ban dei pisa.
Ka sorkar kala pynlut shibun ka pisa ha kane ka karkhana kaba la wanrah ka jingduh nong kabakhraw ia ka sorkar, haba ia ddei bad kane ka katkhna pynmih dewbilat la wan rah ha khmat ka sorkar lai tylli ki bynta kiba ka sorkar ka hap ban shim ia ka rai.
Ki lait tylli mat kiba la wan rah ha khmat ka cabinet ia kaba kila ia kren mynta ka sngi ki long, lada ka sorkar ka dei ban pyniaid ia ka MCCL ka dei ban sei pisa T.190 klur ban pynbha ia ka, ka mat kaba ar ka long ba lada dei ban pynim ia kane ka karhana don kam ia ka jingiatrei lang bad ki riew shimet ha ka dur jong ka Joint Venture lane khang dam noh ia ka.
Ha dien ka jingiakren kaba bniah na ka liang jong ka cabinet kala shim ia ka rai ban dei ban pynim biang ia ka MCCL tang ba ka dei ban long ha ka dur jong ka jingiatrei lang bad ki riew shimet ia kaba la tip kum ka ‘Joint Venture’.
