Shillong, Nohprah 07: ka jingialang jong ka cabinet kaba la long mynta ka sngi kala shim ia ka rai ba ka sorkar jylla kumba la bthah da ka sorkar pdeng ba kin thied ia ki tiar ha ki ophis sorkar 20% na ki karkhana kiba shna ha ka jylla.
U Symbut Myntri Rangbah ka jylla u bah Prestone Tynsong haba kren ha ki lat pathai khubor ha dien ka jingialang la ong ba kane ka rai kaba ka sorkar jylla kala shim ka long katkum ka jingbthah jong ka sorkar pdeng.
Kane ka jingthied ia ki tiar na ki karkhana kiba pynmih ha ka jylla kala don lpa wat mynshuwa ruh hynrei ka jingthied ka long 10%. Da kane ka rai kaba ka cabinet kala shum mynta ka sngi ban pynkylla ia ka Meghalaya Procurement Preference Policy, 2020 kala shah ban thied noh 20%.
Ha kane ka jingialang ka cabinet kala shum ia ka rai ban wanrah ia ka jingpynkylla ha ka Meghalaya Legal services Rules kaba la shna ha u snem 1998, da ka jingpynkylla la pynkiew ia ka jingsiew na ka T.1 lak sha ka T.3 lak tyngka.
Haba ia dei bad ka tnad bording ka sorkar kala pdiang ia kaei kaba ka tnad kam bording jong ka sorkar pdeng kala bthah ba lada don kam ban buh ia ki dingilektrik kiba la tip kum ki Power line ka sorkar kala pdiang ia ka rai ba ia ka jaka ban pynieng ia kine ki diengilektrik hap ban siew bai khyndew katba ia ka jaka ban iaid ki ksai iletrik ym dei ban siew.
