Shillong, Nailar 09: U Myntri ba dei peit ia ka tnad pule puthi u Rakkam A Sangma la ong ba ka jingpynkylla ia ka Meghalaya Board of School Education Regulation for the Secondary School Leaving Certificate Examination 2024, ka long ba ailad ia ka MBOSE ban pynlong eksamin ar sien ha ka shisem.
Ka Eksam SSLC ka lah ban long ha u Rymphang ne bnai Lber bad na ka bynta kito kiba phail pat ha katei ka eksam haba baroh ki subject, ar lane lai ne kawei ym shah ia ki ban kin thoh biang ia ka eksam hapoh ar bnai bat katta ka long ha taiew ba nyngkong u bnai Jymmang.
Ban pynkloi ban pynmih ia ka result ia ka eksam naduh u snem 2025 ne 2026 yn pynlong noh ha u bnai Nohprah ha kataiew ba lai ne ba saw bad ka eksam kaba ar kan long noh ha u ban Rymphang kane kan sdang ha u snem 2026.
Na ka bynta kane snnem 2024-2025 yn pynlong ha u Lber bad ia ka eksam kaba ar yn lang ha u bnai Jymmang, katba ha u snem 2026 un yn long noh ha u bnai Nohprah bad Rymphang ia ki eksam.
Ha kane ka jingialang ka kabinet kala pdiang ruh ban jlan ia ka rta u shongknor ka Meghalaya Farmers Empowerment Commission , 2024 la pynjlan ia ka rta trei kam na ka 65 snem sha ka 70 snem.
Ka kabinet kala pdiang ruh ia ki yndon treikam jong ka Meghalaya Benami Transaction Provision Rules , 2024 , haba ia dei bad kane ka jingujor kan long sha ki ophis jong ki Deputy Commissioner jong ki District. Ka kabinet kala pdiang ruh ia ki rule treikam na ka bynta ka Meghalaya Subordinate Water Resources Engineering Service Rules 2024.
Ka kabinet mynta ka sngi kala pdiang ruh ia ki rule trei kamia ki lai tylli ki Public Skul jong ka sorkar bad ia kine ki rule ka tip kum ka Meghalaya Public Service Public School Services Rules 2024, kine ki skul ki don kawei ha Shillong, Tura bad Jowai.
