Rai ka KHADC ban kyntu ia ka sorkar pdeng ban pyntrei kam ia ka ILP ha Meghalaya

Shillong, Risaw 27: Ka iing dorbar jong ka KHADC mynta ka sngi kala pdiang ia ka rai kaba la wan rah da u Chief Executive Member jong ka KHADC u bah Tistosstarwell Chyne ban kyntu ia ka sorkar pdeng ban pyntrei kam noh ia ka Bengal Eastern Frontier Regulation 1873, kaba la iatip kum ka Inner Line permit.

Haba kren haba ka iing dorbar u CEM u la ong ba ia kane ka BEFR, 1873 kala kyntup lang ha ka United Khasi-Jaintia Hills District (Application of Laws) Regulation 1952 bad ka KHADC kala dep ban shim ia ka rai ban kyntu ia u Lat ka jylla ban pynjari ia ka BEFR 1873.

Na ka liang jong ka KHADC ka sngew ba dei tang ka BEFR 1873 kaba lah ban iada ia ki riewlum ha kane ka jylla bad kane kan iada na ka jingwan rungtuh ki briew kiba na sha bar sha kane ka jylla Meghalaya.

Na ka liang jong ka KHADC ka kyntu ia ka sorkar pdeng ba kan pyntrei kam ia ka BEFR 1873 kumba la pdiang da ka iing dorbar jong ka jylla Meghalaya kaba la shim ia ka rai ban dawa na ka sorkar pdeng ba kan pyntreikam ia ka BEFR, ia kane ka iing dorba rjong ka jylla kala shim ia ka rai ha ka 19.12.2019.

Na ka liang jong u CEM jong ka KHADC u Bah Titosstarwell Chyne  u la ong ba kum ka jaidbynriew ka don kam ia kane ka ain ban iada na ka jingwan ki briew kiba na shabar ia kaba ym pat lah ban pyntrei kam haduh mynta, kiwei kiba la kren ki long u bah Lamphrang Blah nongialam ka liang pyrshah u bah Karnes Sohshang.

Kawei pat ka rai kaba ka KHADC kala pdiang ha kane ka jingiashong dorbar mynta ka sngi ka long ban kyntu ia ka sorkar jylla ba ka dei ban pynsted noh ha kaba shna ia ki jaka rung jaka mih katkum ka Meghalaya Residents Safty and Security Act 2016, ki MDC kiba la ai ka jingkyrshan ki long u bah Bakalajied Rani, Victor Ranee, Lampharang Blah ha dien ka jingiakren ka iing dorbar kala pdiang ia kane ka rai.

Kawei pat ka rai kaba ka iing dorbar jong ka KHADC kala pdiang mynta ka sngi ka long ban kyntu ia u Lat jong ka jylla ba un ai noh ia ka jingmynjur ka jong u ia ka rai jong ka iing dorbar thawain ka jylla kaba la wanrah ia ka jingpynkylla ia ka Meghalaya Residents Safty and Security(Amendment) Bill, 2020, ki MDC kiba la ia shim bynta ha kane ka jingiakren ki long u bah PN Syiem, RV Lyngdoh, Bindo M Lanong.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet