Shillong, Iaiong 21: Ka khasi students’ Union (KSU) War Jaintia Circle ka dap daka jingsngew khia kaba jur haba la ioh jingtip ba ki don katto katne ki riew shim kabu kiba dei ki dalal kiba thmu ban pynrung tuh iaki khar Bangladesh sha ri lum khasi.
Katkum ka kyrwoh khubor na u samla Platini Mukhim uba dei u General Secretary KSU War Jaintia Circle u la ong, “Ka Seng haka jingiakynduh kyrkieh kala shim iaka rai ban wad bad pynshitom da kaba tyngeh ia kito ki dalal kiba long ki nong die ri kiba shim kabu ban kamai pisa jubor khlem da khein shuh ia ka jingma ba ka jaitbynriew namar ka ap jingma ia ka jingwan buhai Shnong da kine ki poi ei na ri Bangladesh”.
“Ka seng lada ka lap ia kum kine ki jaid briew kan ym map da lei lei ruh watla da dei da kino kino ki lynti ruh kam salia” ong u samla Mukhim. ka seng ka khot ka wer lang iaki paidbah jongki thain khappud lada ki lap kum kine ki jaid briew ki dei ban ai jingtip noh mar mar sha ka seng khnang ba ngin ioh leh ia kaba donkam ka la kyntu ruh ia ki paidbah nongshong Shnong ban ai iaka jingiatreilang bad ka seng naka bynta ka jingshngain ka ri bad ka Jaitbynriew.
