Shillong, Jymmang 24: U symbut myntri rangbah ka jylla u bah Prestone Tynsong u la pyntip ba ka sorkar mynta ka sngi kala shim ia ka rai ban ai marbam ia kito ki long iing kiba happy ban shong iing namar ba ki ioh ia ka jingpang COVID-19 positive.
Haba kren ha ki lat pathai khubor mynta ka sngi u bah Tynsong u la ong ba ha di en bala bun kiba la test positive ki paidbah bad ia kito ki iing la niew kum ki jaka ba khangdam, ban pynsuk ia ka iing ka sem ka sorkar kala shim ia kane ka rai ban pynpoi ia ki marbam ha ki iing kumba la leh ha u snem ba la dep.
Na ka liang ka sorkar kala bthah ia baroh ki Deputy Commissioner jong ki district ba kin pynpoi sha baroh kito ki iing ba don ba test COVID-19 positive bad kito ki iing kiba hap ban pynkyrpang ia lade namar ba ki don jingiajan bad kiba shitom.
Haba ia dei bad kane ia ka jinglut jingsep ym pat lah ban tip namar kin dand sdang ban sam ia ki marbam bad kane ka long ruh kaba ym lah ban tip lypa katno kan lut, la ong bah Prestone.
