Shillong, Nailur 04: Ha ka jingiashong pyrkhat kam mynta ka sngi kala sorkar kala shim ia ka rai ban nym shah ia ki riew paidbah ban leit sha Secretariat naduh ka sngi nyngkong kata 7/9/2020 haduh ka sngi Saitjian kata 12/9/2020 ban iada na ka jingsaphriang kane ka jingpang COVID-19.
Ka sorkar kala shim ia ka rai ban ar sngi lynter yn synreit dawai ia ka main secretariat bad additional secretariat kata ka long la shai ka sngi Saitjain bad sngi u Blei ia kaba la aiti ha ka tnad ka koit ka khiah ban leh ia kaba don kam.
Ha kane ka jingialang mynta ka sngi ka sorkar kala shim ia ka rai ban shah noh ia baroh ki dukan kiba don ha ki National Higway ban plie bad ka tnad ka koit ka khiah kan sa pynmih ia ki kyndon ha kaba ia dei bad kane.
Haba ia dei bad kiba hap ban leh ia ka jingset slung ia kiba long positive ne kiba don ia ka jingiajan bad kiba shitom ka long ar rukom, kito kiba leit ban sah ha ki jaka bala pynkhreh da ka sorkar kam don kam ban siew ei ei bad kito kiba kwah ban sah ha ki jaka ba ki kwah hi da la dep ki hap ban siew, la pynshai u bah Prestone.
