Shillong, Nailur 09: Ha ka sngi sdang jong ka jingshong ia ka dorbar synrai la wanrah ia ka jingpan pisa shuh da ka sorkar na ka iing dorbar ban pyndon kam ha kaba pyntrei kam hapoh kane ka snem mang tyngka 2022-2023.
Ia kane ka jingpan pisa shuh ka sorkar yn sa dang ia kren ha kine ki sngi ba dang long kane ka jingiashong dorbar, baroh ki tnad sorkar kiba dang pan pisa ki don arphew lai tylli kiba la pan.
Haba ia dei bad ka skhim Chief Minister,s Social Assistance Scheme u myntri ba dei peit ia ka tnad social u bah Kyrmen Shylla yn sa pan pisa shuh ban pyntreikam ia kane ka skhim namar ynsa pynkiew da T.250 tyngka shibnai naduh ka 1.10.2022.
Ia kane ka skhim la dang ha u snem 2012 bad la bteng ia ka haduh mynta bad haka por bas dang la siew T.500/- tyngka, ia kito kiba ioh ia kane ka skhim kum ki Riew tynmen, ki long kmie bym don lok shuh, ia kane ka rai ban pynkiew sa T.250 tyngka ka ban trei kam na duh ka 1/10.2022.
Kiba ioh ia kane ka jingmyntoi mynta kin ioh noh T.750 tyngks naduh ka 1.10.2022, ki riew tynmen kiba ioh ia kane ka jingiarap pisa na ka sorkar ki don 62446 ngut, ki long kmie kiba sah marwei ki don 34394 ngut, kiba la pynrung thymmai ki riew tynmen ki don3325 ngut bad ki long kmie ba sah marwei ki don 1824 ngut.
