Shillong, Nohprah 11: Ka jingialang jong ka Regional Democratic Alliance (RDA) kaba kynthup ia ka HSPDP bad UDP kaba la long mynta ka sngi kila shim ia karai ban ia khun ia ka elekshon MDC la ka jong ka jong ha u snem 2025.
Haba kren ha ki lat pathai khubor u shongknor ka RDA u bah Metbah Lyngdoh ba dei ruh u President UDP, ha ka jingiadon lang u Secretary u bah KP pangniang ba dei ruh u president ka HSPDP la ong ba ka RDA kamd ei tang ia ka elekshon.
Ka RDA kan dang iai bteng bad iai trei na ka bynta kikam kiba ktah ia ka jylla, ka jaidbynriew, ki paidbah ki dei ban sngewthuh shai ba ka RDA kamdei tang na ka bynta ki kam elekshon dei na kane ka daw ba ia ka elekshon ki ia rai ban ia khun ia ka MDC elekshon 2025.
U shongknor ka RDA u khot u wer ia kiwei ruh kiba kam ialde ba ki deng ki seng riewlum ban ia don lang ha kane ka kynhun ban iatrei na ka bynta ka jylla, ka jaidbynriew wat ha ki por ban dang wan la ka dei ha ki jingtyngkhuh bad ka sorkar jylla ne ka sorkar pdeng.
U Secretary ka RDA ba dei u President ka HSPDP u bah KP Pangniang la ong ba kin dang iai pynbha bad pynkhlain ia ka kane ka kynhun ha kiba bun ki liang ban ia treilang naka bynta ki kam kiba ia dei bad ka jylla ka jaidbynriew.
