Shillong, Kyllalyngkot 30: Ki nongkyrshan u Martin M Danggo mynta ka sngi kila shim ia ka rai ban pyniakhun ia u MLA ba rim na Ranikor Konstitwensi na ka party BJP, ia kane ka rai la shim da kaba kynnoh ba kila shah shet ha ka party NPP.
Haba kren ha ki lat pathai khubor ka kong P. Snatiang kala ong ba ki paidbah kiba la ialum mynta ka sngi ha Shillong Club kila dawa na u kyrtong ka NPP ia u Martin M Danggo ban mih noh na ka NPP namar ki nongialam ka NPP kila dep ban pynbna ba ki la leit sha ka BJP.
Kine ki paidbah kiba wan mynta ka sngi ki nongialam kila ia poi lang sha kane jingialang kila dawa ba u dei ban hiar noh na ka NPP namar ka NPP kala ai khubor ba u Martin M Danggo u la mih bad leit sha ka BJP, kumta ki paidbah ruh rai ban leit sha ka BJP.
Haba kren ha ki nongkyrshan u Martin M Danggo u la ong ba lada long ba kim dei ban pynieng ia u kum u kyrtong namar, lada ki pyniakhun ia u ruh ka shong ha ki paidbah ba kin rai kamd ei ka rai jong u.
Ki nongialam jong u bah Martin Danggo la ong ba kin pynlong ia ka jingialang paidbah ha ka sngi saitjain ha Nolikata ha South West Khasi Hills District ban pynbna paidbah ba u Martin M Danggo un ia khun na ka party BJP.
