Shillong, Risaw 12: Ka nongbishar ka kong B Khriam jong ka iing bishar ba kyrpang jong ka East Khasi Hills District kala rai pynrem ban set along lai snem ia u bah Sebarin Nongkynrieh 14 snem bad ia u bah Bakstarwell Kharshilot lai snem ryngkat ka kuna hapoh ki kyndon jong ka POSCO Act.
Ha ka 03/09/2019 ka iing bishar ba kyrpang, kala rai pynrem ia u bah Sebarin Nongkynrieh halor ki kam leh beijot bad ka iing bishar kala rai ban set along 14 snem ryngkat ka kuna.
Kane ka rai ka long katkum ka mukotduma jong ka Rynjah Police station. Ha ka juh ka por ka iing bishar kala ai ia jingbthah ba ka sorkar kan siew T.3,00,000/- tyngka sha ka nongshah lehbeijot.
Hakawei pat ka rai kaba la pynmih ha ka 30/09/2019 ha kaba ia dei pyrshah ia u bah Baksterwll Kharshilot ka iing iing bishar ba kyrpang kala rai pynrem ban set along lai snem ryngkat ka kumna hapoh ki kyndon jong ka POSCO Act.
Kane ka rai ka long katkum ka mukotduna kaba hap hapoh jong ka Mawsynram Police Station. Ha ka jingka por ka iing bishar kala ai ia ka jingbthah ba ka sorkar kan hap ban siew T.50,000/- tyngka sha ka nongshah leh beijot.
