Shillong, Jylliew 23: Ka KSU Pomkañiew Unit kaba hap hapoh ka jingkhmih jong ka KSU Upper Shillong Circle ha ka 22 Tarik Jylliew 2022 ka la ioh ban rakhe ia ka jingdap ar snem ka jong ka da kaba ka la pynshna da ka Jaka bret Ñiut ia ka Shnong Pomkañiew.
Ia katei ka jaka Bret Ñiut la plie bad aiti ha ki Nongialam Shnong da u Samla James H.Mawphniang Assistant General Secretary KSU CEC uba la long kum u Kongsan .
Ka jingpynshna jong ka KSU ia katei ka Jaka Bret Ñiut ka long kum shi bynta ban wanrah ia ka jingkhuid jingsuba jong ka Shnong ka Thaw khnang ba ki Nongshong shnong kin ym Bret pathar.
Ha kane ka sngi lah ioh ban pynkup buom ia ki Asha ki Aganwadi bad kumjuh ia ki nong shong shnong kiba ju peit bad sumar ia ka khuid ka suba hapoh shnong.
La Sakhi lang ia kane ka sngi da u Samla Toning Lapang Assistant Education Secretary KSU NKHDU, u Samla Aris Thabah President KSU Mawprem Circle ki Dkhot ka KSU Upper Shillong Circle bad ki dkhot ka Pomkañiew Unit.
