Mairang, Risaw 23: Ka jingshakhri ia u para briew ka dei ka jingshakri ia u Blei la ong ub ah Metbah Lyngdoh myntri ba dei peit ia ki kam jngohkai pyrthei ha ka jingrakhe ia ka jingdap 10 snem jong ka Mairang Vidyajyoti Inclusive Secondary School. U myntri u la ong ba kane ka kam ka dei ka kam kaba khia ban hikai ia kiba don kam ia ka jingsahkri kaba kyrpang.
Ha ba kren ha kane ka jingialang u bah Metbah u la ong ba u sngew kmen ban ioh ba wat hapdeng ki jingeh kiba bun kane ka skul kala iaid sha khmat mynta la shiphew snem wat la ha ka por bas dang don tang u wei u khynnah ksul ha u snem 2008 bad mynta kane ka skulk ala don haduh 300 ngut ki khynnah skul.
Kumba shu kdew hangne ba kane ka skul kaba kyrpang ka dei kaba la seng da ka Khasi Jaintia Presbyterian Synod Sepngi, da ka jingiarap jong ka shnat trei kam ia kaba la tip kum ka Social & Economic Life Development Department (SELDD). Kane ka ksul ka don naduh KG haduh klass X bad ha West Khasi Hills baroh kawei ka dei tang kane ka skul kaba don ia kane ka rukomhikai kaba kyrpang.
Ha kane ka sngi la pynkup burom ruh ia saw ngut ki khynnah skul, u Banlumlang L Nonglait, Kynsaibor L Nonglait, Suktiris L Mairang bad ka Idamanbha Basaiawmoit kiba la wan ba nyngkong ha ka eksam SSLC bad ki dei ki khynnah kiba nyngkong ban thoh matrik na kane ka skul.
Ha kane ka juh ka sngi la plie ruh ia ka surok ka ban leit sha kane ka skul da u myntri ka tnad shangkai pyrthei ha ka jingiadon lang u Bah Equator L Nongrang, Deputy Chairman, KHADC, Sub Divisional Officer (C), Mairang Civil Sub Division u bah A Nongbri, Block Development Officer, Mairang C&RD Block bah V Swer, Moderator KJP Synod Sepngi Rev. WC Khongwir, lemb ad kiwei kiwei ki briew jong ka sorkar bad na ka balang.
