Shillong, Nohprah 10: Mynta ka sngi ha seng Meghalaya Peoples’ Human Rights Council (MPHRC), kala rakhe iaka lyngkhuh 75 snem naduh ba la pdiang ia ka Universal Declaration of Human Rights (UDHR) da ka United Nation ha u snem 1948.
Na duh ba la sdang ia ka UDHR kala don ka jingiadei ha pdeng ka sorkar ki briew bad ka ri, ka phang pdeng jong mynta u snem ban rakhe ia kane ka sngi burom shityllup ia ka hok long briew man briew ka long “Jinglaitluid, kaba mar iaryngkat bad ka juh ka hok” bad kitei ki don ka jingiadei baroh lai ha ka hok long briew.
Kane ka dulir kaba la ia soi ka dei kaba la ai ia ka hok ha uwei pa u wei ia ka hok ban ia long mar ia ryngkat khlem da shahliang iano iano ban pynioh ia ka hok ka jong u ne ka briew bad ia kane la ai sha baroh ki ri jong ka pyrthei khlem da khien iano iano ruh ba baroh ki ia lang kawei.
Haba rakhe ia kane ka sngi burom ia ka hok long briew man briew ha shityllup ka pyrthei, la khot ia ki bor synshar ba ki don skhem ban iada ia ka hok long briew ia mynta bad ha ki por ba sawan ruh, la ong u bah Dino DG Dympep shongknor ka MPHRC.
Ka MPHRC ka pynrem ia baroh ki jingleh don bor bad thombor da ki bor jong ka ain ia ki riew paidbah, ia ki rit paid, ia ki riew kynthei bad khyllung khynnah, ne kano kano ka jingeh leh pyrshah ia ka hok long briew man briew, ha ka juh ka por ki ai ka jingiaroh ia baroh kito kiba don kti ban trei ban iada ia ka hok long briew.
Ka MPHRC ka kyntu ia ka sorkar ban phah tohkit ia baroh ki jingjia kiba la ktah ia ka hok long briew man briew kiba la de ban jia ha kine ki por kiba la leit noh, kane kalong ban pynthikna ba kin ioh ia ka jingbishar kaba hok.
Ka MPHRC ka pynkynmaw ia baroh ba ia ka hok long briew man briew la ai bor sha baroh da ka dulir jong ka United Nation kumba la pynbna paidbah ha u snem 1948, ka jingiada ia ka hok long birew ka long kaba don kam haduh katta katta kaba yn nym lah ban ia pein da kumwei pat, la ong u bah Dino DG Dympep Shongknor bad bah N J Nongrem Secretary General ka MPGRC.
