Shillong, Jylliew 06: Ryngkat ba ka pyrthei baroh kawei ki shipai BSF ruh kila pynlong ia ka jingthung dieng ha Umpling ka jaka jong ki bad ki la thung 1200 tylli ki tynrai dieng ha ka sngi pynneh mariang.
Ia kane ka jingthung dieng la ialam da u Kuldeep Saini, Inspector General bad u U.K Nayal, Dy. Inspector General (PRO) BSF Meghalaya Frontier. Ha kane ka jingthung dieng la don lang ruh kiba ha iing ha sem bad ki kurim jong ki shipai BSF.
Na ka liang jong ki shipai BSF kin dang pynlong shuh shuh ia kum kine ki jingialang ha ki sngi ban dang wan kum ka sngi ialeh pyrshah ia ki kam dih drugs, ki kam khaii kynthei ban ia khun pyrshah ia kitei ki jingsniew la ong u U. K Nayal, DIG bad PRO.
