Shillong,Lber 13: U symbud myntri rangbah u bah Prestone Tynsong haba jubab ia ka jingkylli u Dr Mukul Sangma la ong ba ka dei ka jingshisha ba ka sorkar kala dep shim ia ka jaka ban shna ia ka surok Western Shillong by-pass katkum ki kyndon ain.
La pyntip hapoh ka iing dorbar ba ka jingsiew ia ka bai jaka kiba hap ha Ri Bhoi district ka long T.121.40/- klur tyngka bad ha East Khasi Hill ka jingsiew ia ka bai jaka ka long T.455.39/- kur tyngka.
Haba jubab ia ki jingkylli bynrap u myntri u la ong ba 97.5% ka sorkar kala dep ioh ia ka jaka bad kaba sah kaba ka sorkar kam pat shimti ka long 2.5% kane kaba sah ka leit long ba ynda la pynbiang lut ia ki jingdonkam baroh ka mih ka jingiakam trai ia ki jaka halor kane ki DC East Khasi Hill bad Ri Bhoi ki dang iakren ban pynbeit ia kane ka jingeh bad ki arliang mamla.
Halor ki jingkynnoh kumba la paw ha ki lad pathai khubor u myntri la pynshai ba haduh mynta kam shym don kano kano ka jingujor ka ban wan sha ka sorkar u myntri u la ong ba u ruh u la shu iohi ha ki lad pathai khubor.Haba kam wan da ka jingthoh ym lah ban shim ba ka dei ka jingujor.
