Shillong, Nailur 19: Ka tnad shna surok jong ka sorkar jylla kala pynpra ia ka jingkieng iaid kali kaba pyniaidsoh ia ka Mawlai Nongpdeng bad ka Jaiaw namar ba ka jingkieng barim ka lah ban iaid tang kawei ka kali.
Ka tnad PWD kala pynpra ia ka jignkieng kaba rim bad kala phah ban shna thymmai ha katei ka juh ka jaka hynrei kane ka jingtrei kala sah teng wat la la dep ban pynieng ia ki paia na baroh ar liang kaba sah mynta ka long sa ban siang ia kaba la sah teng kane ka jingtrei.
Ka jingpynslem ban pyndep ia kane ka jingkieng kala buh ia ki nongleit nongwah ha ka jingeh namar kane ka dei ka jingkieng kaba ki kali kamai ki iaid na Motphran ban leit sha Mawlai lyngba ka seng khasi.
Ki kali mynta kiba mih na Motphran ki noh sha jaiaw bad iaid lyngba ka seng Khasi na ka jingkieng ba pyniasoh bad ka Mawlai Nonglum bad rung sha Mawlai Nongpdeng, bun ki kwah ban lada long kaba lah ba ka PWD kan pyndep noh ia kane ka jingkieng kaba lah ban iaid ar tylli ki kali ha ka juh ka por.
