Sam khaw ka party UDP ia ki 120 tylli ki long iing baduk ha shnong Mawpran

Shillong, Naitung 2: ka party UDP Primary unit,Mawpran kala sam khaw sha ki long iing baduk. Wat hapdeng ka jingduk jingkyrduh bad ka jinglynshop jong ka jingkhang dam  na ka daw jong ka jingiakhun ia ka khlam Covid-19 ,hynrei ka Primary Unit jong ka party UDP ha shnong Mawpran kaba hap hapoh ka Pynursla Constituency ka la ioh ban sam khaw ei sha ki 120 tylli ki long ing jong ka Mawpran Nonglyndiang mynta ka sng.

U khaw ba la sam baroh sha kitei ki long ing u long 11 quintal baroh.Ha ka jingialang sam khaw ba lyngkot ba la pyniaid da u bah Astan io Khongbuh uba long ruh u president jong ka unit Mawpran,la ia don lang ruh u Rangbah shnong ka Mawpran, u bah Pynskhemborlang Khongmalai nalor jong ki dkhot jong ka Dorbar shnong.

Kat kum ka jingiathuh u Secretary ka UDP primary unit Mawpran,ki dkhot ka unit ki sngewkhia ia ki jingjynjar bad jingeh jong ki nongshong shnong ha kum kine ki por.’Ngi ia lum synniang hi para member katba ia lah ei.’la ong utei u secretary ka unit.’ Ka jing sam ia u khaw kalong halor ka nongrim ba wat la ka sorkar ka ai bad pynbiang ia u khaw ration bad khaw ioh ei pynban ki dang don bun bah ki longing kiba duk, ki bym ioh khaw namar kim pat don card satia.

Don ruh kiba don 3/4 tylli ki rympei ing ha kajuh ka compound hynrei ka card ration pat ki ioh tang kawei ka longing katba 2/3 ing pat kim ioh khaw sorkar satia.Don ruh ki longing ki bym don kmie/ kpa shuh hynrei kim ioh khaw ration satia.Kin hap bsa pat bun ngut ha ing..Kumta,ka unit ka pyrkhat ba dei ban pynioh khaw lang kum ia kine ki long ing khlem da shah shilliang khmat na kano kano ka party ba ki ju ia kyrshan.’ la ong u bah Aihok.

La leh ia kane da ka jingia sngewthuh jingmut bad jingiatrei lang bad ki nongpyniaid shnong.bad khlem leh politic iano iano ruh ha kum kane ka por. U Rangbah shnong ka Mawpran Nonglyndiang u bah Pynskhemborlang Khongmalai uba don bad sakhi lang ha katei ka sngi u la kyntu ia ki nongialam ka unit ba kim dei satia ban shim kabu ban long pynban ka rynsan election ne leh politic ia kane ka jingsam khaw.

Dei ban klet noh ka jingsngew party na ka bynta ka jingbha ki duk ki suk.U la ai ruh ka jingkyrkhu ba u khaw ba ki ioh un long ka jingkyrkhu ia ka ing ka sem jongki baroh. Lah ban kdew hangne ba bun ki unit jong ki party ki ju trei bad sngewlem ia ki paidbah tang ha ka ka por election.Mar ia kut ka election, ym don ba kynmaw party shuh.Don bun ki unit kiba shu ap jingiarap beit kliaw tang na ki MLA/MDC bad na ki nongialam ki party.Lada ioh pisa na ki MLA/MDC ki iarap,lada kim ioh na ki pat kim don lad ban ia rap ia kiwei.Don lei lei wat lada ioh jingiarap na ki MLA/MDC ki khein bainong ia lade bad ki pynduna na kaba ki ai ban ioh thep ei sha pla lajong.

Kane ka jingleh ka unit Mawpran kan long ka jinghikai bad ka nuksa ia kiwei pat ki shnong ban trei shitom bad shakri lem ia ki paidbah ha ki por ba ki donkam.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet