Shillong, Rymphang 12: Ka seng KSU jong ka Tyrsad mynta ka sngi kala pyn long ia kane ka jing sam ia ki kopi hapoh iing Shnong jong ka Tyrsad Umkseh,Ha kane ka sngi la ïadonlang u Rangbah Shnong Ka Tyrsad Umkseh, U rangbah shnong bah Davidsing Khasaiñ, Samla Pynshzi Rani President ka KSU Tyrsad Circle,KSU Tyrsad Umkseh Unit ki Dkhot ka KSU NEHU Unit ki Longkmie longkpa, ki khynnah skul lem bad ki Samla Shnong.
Haba ai jingkren na ka liang u Rangbah David Sing Khasaiñ Rangbah Shnong u la ai ka jingïaroh bad kitbok ïa ka unit ba ka la shim ïa kane ka sienjam ba kongsan eh na ka bynta ban iarap ia ki long iing kiba dang duna bha ka jing mih.
kane ka jing iarap na ka seng ki Samla Pule ka lah pyn duna ha ki jing lut jing sep na bynta ki kmie ki kpa,lyngba kane ka jing iarap kan kyntiew ïa ka pule ka puthi hapoh ka shnong bad ha ka juh ka por ula kyntu ïa ki kmie ki kpa ba kin nym ailad ïa ki khun ba kin pep ïa ka jingpule shiteng por hynrei u la ai mynsiem ïa ki khynnah skul ba kin treishitom haduh ba kin da ïoh kheit ïa u soh jong ka jingjop ha ki jingpule.
