Shillong, Nailur 19: Mynta ka sngi u President jong ka BJP Meghalaya State Unit u bah Ernest Mawrie ryngkat bad ki nongtrei jong ka party mynta ka sngi kila leit ban sam ia ki PPE sha ki nongtrei jong ka Municipal kiba don ha Marten.
Kane ka jingsam ia ki PPE ka long shibynta na ka jingrakhe ia ka sngi kha ba 70 snem jong u myntri rangbah duh jong ka Ri India u Narendra Modi bad ia kane ka jingrakhe la tip kum ka “Sewa Saptah”.
Ha shuwa ban sam ia ki PPE kala don ka jingkren kaba lyngkot na ka liang jong u president jong ka BJP Meghalaya State Unit ha kaba u Bah Mawrie u la ai ka jingiaroh ia ki nongtrei jong ka Shillong Municipal kiba la trei shitom ha kane kam kaba la aiti ha ki.
Ha kane ka sngi la don lang ruh u Vice President ka seng u Dipayan Chakraborty, ka Secretary ka Arandati Paul bad u bah Rocky Hek, Shillong City District, Vice President.
