Sdang 2nd Martin Narayan Majaw Memorial Trophy ha Umran , kiba  shim bynta  38 kynhun   

Shillong, Naiwieng 13: Ha kane ka program ba la pyniaid da u Bah G Kharumnuid, Member EC ka Shnong ha ka jingiadonlang u Bah S Kharbani, Rangbah Shnong, ki heh pulit ka 6th Battalion bad u kongsan u Bah John F Kharshiing, u khun ba lai jong u bah Martin N Majaw, MLA, barim ka Mawhati Constituency bam kwai ha  dwar ub lei naduh 1972-1978-1978-1983 uba la wan na ka liang ka iing.

Ha ka jingkren u Bah John F Kharshiing, u la ai khublei kyrpang ia ki Rangbah jong ka Shnong Umran Niangbyrnai bad ki nongkitkam ka Umran Niangbyrnai Sports Club kiba la shim ia kane ka sien jam ban pynlong ia kane ka jingkynmaw da ka jingialeh football kum ka dak ban kynmaw ia u nongpynjari ia ka The Meghalaya Transfer of Land Regulation Act 1971.

U kongsan u la ong ba ia katei ka Act I (late) Bah Martin N Majaw kum u minister 13 bnai u la pynjari ia katei ka Act ha ka 7 tarik June 1978 bad la pynmih ha ka Gazette ha ka 8 tarik June 1978.

Katei ka jingpynjari ia katei ka Act 1971 ha u snem 1978 ka la khang sbak ia baroh ki nongwei laitnoh ki Riewlum (schedule tribe) kiba don hok ban thied ban long trai jaka hapoh ka jylla Meghalaya.

U kongsan u la ong ba la don kam ia ki paidbah ban jied ia ki Nongsynshar kiba don ka sap ka phong ban thaw ki Ain iada jaidbynriew. U kongsan u la ong ba u bah Martin N Majaw por ba long Minister 13 bnai la tip bad khot  da u Lightining Minister, namar u la long uba sted ban trei kam kat haduh la buh bun ngut ki typist ban pyndep ki shithi kiba her da ki phew tylli shi sngi na ka bynta u paidbah.

Sha thain Ri Jaintia la khot ia I da u “ma sei mo” kaba mut u bah sei Maw, namar ha kum u Revenue Minister I la leit ban phut ia u maw pud sha khandauli u maw ba wan sieh donbor ka Assam.

Ha katei ka sorkar lai lama kaba 13 bnai I la long Minister bad ioh bat ia ki portfolio kiba baroh ki kyntait kum ka Law, Parliamentary Affairs Revenue bad C&RD, hadien ha ka sorkar Ar Lama saw bnai i ioh ruh ban long ruh kum u Minister Finance. Na ka 10 snem ba don ha assembly laitnoh tang 13 bnai ba don ha liang synshar kumba 8 snem u la don ha ka liang pyrshah.

U don ruh kawei ka record ha kaba I la long uba nyngkong ha baroh ki jingpule skul haduh ban da pyndep ha ka kyrdan ba nyngkong ia ka MA history Honours na Guwahati University bad I la pyndep ruh ha ka juh ka snem ia ka MA English ha ka kyrdan kaba nyngkong.

U la long ruh u Minister Revenue uba nyngkong ka Meghalaya ban khot pynlong jingialang bad u Revenue Minister ka jylla Assam ha Meghalaya Secretariat bad ha katei ka jingialang ha ryngkat u Bah M Rapthap, IAS, Commissioner Revenue bad kiwei kiwei ki officer ha kaba la u la sei ia ki dulir u pud u sam ka jylla Meghalaya bad la kdew bad pyni ia ki Map ba u pud ka Ri Khasi ka dei haduh ka wah Brahmaputra.

La ioh jingkren ruh na ki bor Shnong bad sports club Umran Niangbyrnai kiba la pynpaw ia ka jingsngew nguh ia u Late Bah Martin N Majaw, MLA bad Minister Law, jylla Meghalaya.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet