Shillong, Kyllalyngkot 30: Mynta ka sngi u myntri rangbah ka jylla u Conrad K Sangma u National President ka party NPP mynta ka sngi u la sdang ban kanbas elekshon ia lade kaba un ia khun na ka 51-South Tura konstitwensi kaba hap hapoh jong ka West Garo Hills District, ia ka jingialang la pynlong ha madan jongka New Tura Law College.
Ha kane ka sngi palat hajar ngut ki nongkyrshan ka party kila wan ban ia shim bynta ban ai ka jingkyrshan ia u myntri rangbah ka jylla kum u kyrtong ka party bad ha kane ka jingialang la kyrpad ia ki paidbah ban ai ka jingkyrshan ia ka party NPP ha ka elekshon ka ban long ha ka 27/2/2023.
Ha kane sngi u Conrad u la ong ba phi ki paidbah ka 51-South Tura kiba la ai ia ka jingkyrshan jong ki ban pynjop ia u ha ka elekshong shiteng samoi bad da kane ka jingpynjop la ioh shibun ki kam pynroi ha Tura bad kum juh ha ka jylla.
Hapoh ka jingialam ka jong u kum u myntri rangbah ka jylla kila peit ia baroh ki kam pynroi ha baroh ki liang kam dei tang ia kawei ne ar bad u la pynkynmaw ha ka por ba u shimti ia ka kam kum myntri rangbah ka jylla u la kren shai ki kam kiba ha khmat ka tnad pule puthi bad kiwei kiwei ki kam pynroi bad kila buh ia ka thong ban ai ka jingsynshar kaba iaid beit iait ryntih.
Ha kane ka sngi u myntri rangbah ka jylla u la jer kyrteng ha khmat ki paidbah ia ki katto katne bynta kiba kane ka sorkar MDA ka lah ban leh ha kaba ia dei bad ka roi ka par haka jylla bad ki dak kiba la paw ha kine ki san snem jong kane ka sorkar.
