Shillong, Nohprah 20: Ki nongtrei jong ka karkhana pynmih dewbilat jong ka sorkar ia kaba la tip kum ka Mawmluh Cherra Cement Limited (MCCL) mynta ka sngi kila wan kiew sha Shillong ban dawa na ka sorkar ba ka dei ban siew noh ia ka tulop jong ki kaba la sah mynta la bun bnai. Ia kane ka jingiakhih jong ki la pynlong ha jaka ieng kali ha additional secretariat.
Ki nongtrei jong ka MCCL kiba la wan kiew sha Shillong mynta ka sngi ban pynlong ia kane ka jingiakhih ka long ha ka kyrteng jong ka seng ka Mawmluh Cherra Cement Employees Union (MCCEU) bad ha kane ka jingiakhih ka jong ki kila rah ia ki jingthoh kaba “ngi la ap slem slem ai noh ia ka hok jong ngi”.
Haba ia dei bad kane ka jingiakhih jong ki nongtrei jong ka MCCL, na ka liang jong ka ophis kala iathuh ba ka tulop kaba sah jong ki nongtrei mynta ka la long phra bnai ia kaba khlem pat siew. Na ka liang jong ka MCCL kala thoh sha ka sorkar ban pan jingiarap ban siew ia ka tulop jong ki.
Na ka liang jong ka ophis mynta ka dang ap ia ka jubab na ka sorkar jylla ha kaba ia dei bad kane ka jingpan pisa jong ka MCCL bad mynta ka shong ha ka sorkar . Na ka liang jong ka ophis kala tip ia kane ka jingwan jong ki nongtrei sha Shillong ban pynlong ia kane ka jingiakhih.
