Shillong, Risaw 14: Ar ngut ki samla khasi, u Bah Babit Kharsanoh bad ka Monica Nongrum na kane ka jylla Meghalaya kila shah jied ban leit ia shim bynta sha ka jingialehkai kaba la tip kum ka ‘Asian Muaythai Championship 2018’ ka ban long ha China.
Ia kane ka jingshah jied jong kine ki ar ngut ki nongialehkai na kane ka jylla la pyntip da u Prasenjit Singha president jong ka UAMAI sha u president bad secretary jong ka seng ha kane ka jylla Meghalaya ha kine ki khyndait sngi.
Kane ka jingialehkai ka ban long ha ri China kan sdang ha ka 4 tarik bad kan kut ha ka 12 tarik jong u bnai Nohprah ha Macau ha China.
