New Delhi, Iaiong 21: La pynbna ia ki nongiashim bynta ba la poi sha ka phainal jong ka Animation Film Makers Competition (AFC) kaba long kum shi bynta jong ka Create in India Challenge Season-1′ jong ka WAVES 2025.
La pynbna ia u Bah Khambor Batei Kharjana na Meghalaya kum uwei na ki 42 ngut kiba
la poi sha ka phainal ha ka Aninmation Film Makers Competition (AFC) jong ka WAVES
2025, na ka bynta ka projek jongu kaba la tip kum ka Lapalang: A Khasi Folklore
Reimagined, shi bynta jong ka Create in India Challenge Season-1″.
Haba iasam ia ka jingsngewkmen jong u, u Bah Kharjana u la ong, “Nga ainguh ia U
Jisu Khrist na ka bynta ka WAVES, ka la long ka jingjia kaba sngewtynnad bha! Ki
jinghikai na ki riew shemphang jong kari bad nabar ri ki long shisha kiba kordor.
Kane kalong kum ka sienjam kaba khraw shakhmat na ka bynta ka kam shna animation ha India. Ka jingkhang ka la plie lypa – mynta ka shong ha ngi ban shim ia ka sienjam bad peit shano ka ialam!”.
Ki 42 tylli ki projek kiba bha tam, kiba pynleit jingmut ha ka jingiathuhkhana tynrai ha
kylleng ki bynta jong ka kam animation, kaba kynthup ia ka jingpynwandur tynrai, ka
VFX, Augmented Reality (AR)/Virtual Reality (VR), bad virtual production, ki la poi sha
ka wat iakhun ba khatduh.
Kine ki nongiashim bynta kiba don sap mynta kin ioh ia ka lad ban pyni ia ki projek jong ki ha ka WAVE Summit ka ban long ha Mumbai naduh ka 1-4 tarik Jymmang, 2025.
Ki 3 ngut kiba jop kin ioh kia a khusnam pisa kaba mar 5 lak tyngka Ka jingjied ia ki 42 ngut ki nongiashim bynta kiba la poi sha ka phainal ka dei na ka jingbishar bniah kaba la neh haduh khyndai bnai ba la ïialam da ka kynhun Dancing Atoms, ha ka jingiatreilang bad ka kynhun jong ka WAVES.
la ki jingpyrshang ba aiti lut jong ki nongiashim bynta la ioh jingiarap na ka jingstad jong ka kynhun ba donburom
jong ki dkhot nongbishar napoh ka ri bad na kiwei kiwei ki ri, kynthup ia u Anu Singh,
Farrukh Dhondy, Dan Sarto, James Knight, Jan Nagel, Gianmarco Serra, Indu Ramchandani bad u Vaibhav Piwlatkar
Ka jingktah ia ka ioh ka kot na ki projek jong ki ka long kaba kongsan, ha kaba kawei
pa kawei ka phlim VFX animation ka lah ban pynmih ki lad ioh kam na ka bynta
100-300 ngut ki briew.
Ka WAVES AFC 2025 ka pyni ia ka jingbei tyngka kaba kongsan ha ki sap saindur jong ka ri India, kaba kyntiew ia ka lad ioh kam bad ki lad ki lynti ba don kylleng ka pyrthei. Ka jingthmu jong ka jingiakop ka long ruh ban kyntiew ia ki jingiatreilang hapdeng ki ri bapher bapher ban pynmih ia ki prokram.
Kane ka sienjam ha kylleng ka pyrthei, kaba la kyrshan da ka tnad lnformation bad
Broadcasting bad kaba lamkhmat da ka Dancing Atoms, ka dei ka sien kaba nyngkong
ba baroh saw tylli ki bynta jong ka kam AVGC ba la mihkhmat hapoh kawei ka rynsan
ha kum kane ka jingiakop.
Ka WAVES AFC 2025 ka la ïoh ïa ka jingiashim bynta kaba khraw, da kaba ïoh kumba
1900 tylli ki jingpynrung kyrteng bad 419 tyli ki jingkyntiew kyrteng bapher bapher na
ki briew ba sngewtynnad ia kane ka kam, ki samla pule kiba don sap, bad ki riew
shemphang kiba la tbit ha kylleng ka pyrthei.
Kane ka jingiashim bynta shitrhem ka
pynpaw ïa ka bynta ba kongsan jong ka jingiakop ha kaba ithuh bad kyntiew ia ki sur
ba thymmai hapoh ka kam shna animation.
