Shillong, Lber 26: Ha ka jingjied ia u symbud shongknor hapoh KHADC u bah Kynjohlang Ryntong u la jop khlem don ba ialeh pyrshah ia u. La pynlong ia kane ka jingjied ia u symbud shongknor ha ka dorbar mangtyngka jong ka KHADC kaba la sdang mynta ka sngi ka 26 tarik lber bad kan kut ha ka 28 Tarik Lber 2025.
U bah Kynjohlang Ryntong u dei uba la jop MDC na ka Mawhati Constituency na ka party VPP. U bah Kynjohlang Ryntong u la jop election ha ka sien iakhun election na Mawhati Constituency
Da ka jingjop jong u kum u MDC u bah Kynjohlang Ryntong u la iohlad ban rung hapoh ka Ingdorbar ka KHADC. Ha ka jingiakhun sha ka shuki symbud shongknor ka KHADC ha ka dorbar mang tyngka ka u la jop khlem don ba iakhun pyrshah ia u.
U bah Titostarwell Chyne u ba dei u nongialam ka liang iatei haba shimbynta ban ai kitbok kitrwiang ia u bah Kynjohlang Ryntong u la ong ba ka jingdon jong u symbud shongknor kan iarap ban kham pynbha ia ka rukom long dorbar hapoh KHADC.
U bah Titostarwell Chyne u la kyntu ruh ban peit ban khmih bha bad kham bniah haba iadei ba ka MDC hostel ha kaba u la pynpaw ba katei ka ing kaba dei ka ing ba sah ki dkhot ka ingdorbar bad ki khun ki kti jongki hynrei ka donkam ban kham peit bniah.
Ka daw ka long ba teng teng ki jia ki kam ba lai phew jait hangtei bad ka ba la pynjahburom, bad don ruh ki ba la pynlong ia katei ka jaka kum ka ktem shongkai bad hateng ha tei ka la pynlong ia ki ba sah hangto ba kim sngaiñ shuh.
Namarkata u bah Titostarwell Chyne u ba la long uwei na ki dkhot ba la rangbah tam ka council ban kyrpad ban peit bniah bad ban pynbeit noh kloi.
