Shem jingeh ki paidbah kiba hap hapoh ka Pongtung PHC ba shim shuti u doktor: KSU

Shillong, Risaw 16: Ka seng Khasi Student’s Union Border Area Unit kaba hap hapoh ka KSU South Central East Circle Pynursla hadien ka jingud jong ki paidbah ka thain ia ka jingbymdon doktor ha Pongtung PHC .

Ha ka jingwad jingtip jong ka seng ngi lap ba ka doktor ba dei peit ia katei ka PHC ka shim shuti kumba lai taiew eiei bad ym don doktor satia ban peit shipor ia katei ka PHC.

Na ka liang jong ka seng kim pyrshah ne kynthoh eiei halor ka jingshim shuti jong ka doktor ba dei peit ia katei ka jaka ai jingsumar hynrei ki pynpaw ka jingsngew lyngngoh halor ka jingbym shimkhia jong ki bor bahalor ba dei peit ia ka tnad ka koit ka khiah ha ka jylla ban phah doktor shipor ban iarap ia ki paidbah ki ba donkam jingsumar kyrkieh.

Kum ban shu pyntip katei ka PHC ka dei peit ia bun tylli ki shnong naduh khappud bad ka Bangladesh haduh ki bynta ba sharum jong ka Pynursla. Kumta ka KSU ka kyrpad ia ki bor bahalor ban pyrshang ban thung doktor noh kham kloi.

Ka KSU kala pynpaw ba ha katei ka jaka ai jingsumar khnang ba kan ym ktah ia ki paidbah ka thain khamtam ia kito kiba duk ba kyrduh.Kane ka long ka kyrwoh na U President ka seng KSU Border Area Unit Samla Thawthymmai Suting.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet