Shem ka kynhun na Punjab ba ka sorkar Meghalaya ka pynbiang ia ki lad jingiada: Jasbir

Shillong, Jylliew 20: Ka kynhun ba san ngut na Punjab bala phah da u Myntri rangbah katei ka jylla Mynta ka sngi kila ia kynduh ia u myntri kam poh iing ka jylla Meghalaya u James K Sangma ban wad jingtip ha kaba ia dei bad ka jingshah byrngem ki briew kiba sah ha Themiew Mawlong.Ia kane ka “High Level Delegation”  la lam khmat da u Sukhjinder Singh Randhawan myntri cabinet ba dei peit ia ka tnad  Co-Corporation bad Phatok.

Haba kren ha ki lad pathai khubor ha kane ka jingiakynduh ia u myntri kam poh iing ka jylla Meghalaya u Jasbir Singh Gill MP jong ka jylla Punjab u la pynpaw ia ka jingsngewkmen ban tip ba ka sorkar Meghalaya kala pynbiang ia baroh ki lad jingiada  bad ha ka juh ka sorkar kane ka sorkar ka don ka jingthmu ban pynbeit ia kane ka jingeh kaba la sah teng mynta la slem slem bah ha katei ka jaka ha Themiew Mawlong.

U Gill u la ong ba ka sorkar Meghalaya ka kwah ban wanrah ia ka jingpynbeit ia kane ka jingeh bad ki don ka jingkyrmen ba shen ia kane ka jingeh ynsa lah ban pynbeit da kane ka sorkar Meghalaya khnang ba kan nym mih shuh kane ka jingeh ha dien ha bud. Ki don ka jingshah niah ha kane ka sorkar ba kan weng noh ia kane ka jingeh.

Ban weng ia kane ka jingeh ka sorkar Meghalaya kala thung ia ka High Level Committee (HLC) ban bishar bniah ia kane ka kam, ia kaei kaba ka sorkar kan shim rai kan long na ka bynta ka jingbit jingbiang jong kito kiba sah ha katei ka jaka. Haba jubab ia ki jingkylli ha kaba ia dei bad kiba shong beain ha katei ka jaka la ong ba kata ka dei ka kam jong ka sorkar jylla ban peit.

La iathuh ba kila ia kynduh ia ki nongialam kiba sah ha katei ka jaka ha Themiew Mawlong bad ka jingiakynduh jong ki kila ia kren ia ki jingeh kiba long kyllum, hynrei ka jingwan jong ki sha ne ka long ba ki don ka jingsngewkhia ha kaba ia dei bad ka jingshong shngian ka jong ki briew jong ki bad ki don ka jingshniah ha kane ka sorkar ba kan ai ka jingshong suk shong shngian.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet