Shillong, Jymmang 19: Ka jingkhang dam kaba shiphew sngi ha baroh kawei ka East Khasi Hills District kan sdang shibit mynmiet por 8.00 baje, ki paidbah ha kylleng ka sor Shillong mynta ka sngi kila ioh mih ban thied ia ki mar bam kiba don kam ha ki iing ki seng.
Ka jingiatur ki paidbah ka long khamtam tam eh ha ki sawdong jong ka iewduh namar ki don ruh ki jaka dielang ha kum ha Palatan Bazar bad ha Iew Mawlong, kane ka jingmih paidbah kam long ha baroh sawdong jong kane ka jongbah Shillong.
Ban peit ba kan don ka jingpyniajngai iwei na iwei ha kane ka jingiathied ia pet kila don ki pulit kiba ap ha jan man ki jaka ba kham bun briew ban peit ba ki paidbah ki dei ban bud ryntih ia ka jingbthah jong ka sorkar.
Kane ka jingiamih ki paidbah ka long ha jan baroh ki bynta jong kane ka nongbah Shillong, la iohi ba ki briew ki ia iaid ban wat ia ki tiar kiba ki don kam ha ki iing ki sem kaba ki juh pyndon kam man ka sngi.
Ha ka juha ka por na ka liang jong ka Deputy Commissioner ka East Khasi Hills kala bep ban bthah ba ki briew kim dei ban syier namar kan don ka jingiapynbeit ban peit ba ki mar bam mardih kin nym duna ha kine ki sngi ba don kane ka jingkhangdam.
