Shillong, Ki paitbah jong ka thain Dangar bad Balat ki la Mad jingeh haba iadei bad ka jingsei pisa namar ka la shimpor iaki had
uh lai ne saw sngi tang ban ioh sei pisa naka UCO Bank ba don ha Dangar khamtam haba kum Kane ka por jong ka lock down.
Ka KSU kala ai ka jingiaroh ia ki nongtrei jongka UCO Bank Balat Branch ki la trei shitom hynrei kim shym la lah pat ban pynbiang namar ka jaka ka la iar palat bad ki briew ruh ki la bun palat.
Naka liang jongka KSU Balat Border Area Circle ka la pynpaw halor ka jingsngew diaw halor kane ka bynta bad namar kata ” Ngi ban jur iaki bor District bad ki bor sorkar ba ia mynta shipor ka donkam eh ban buh noh daka Mobile Van Bank / ATM khnang ba ka jingsei pisa Kan long beit haki shnong ban lait naka jingialum paitbah than bad ruh ban pyllait iaki paitbah naki jingeh haka liang ka jingsei pisa “.
Ka KSU ka pynpaw ba kane ka jingjia baroh ak dei namar jingduna palat ki bank haka thain, la sngewdei ban kyntu iaka tnad State Bank of India ba ka dei ban buh noh daka ATM ha Balat bad Dangar kum ka long term solution ban weng iaki jingeh jongki paitbah.
Namar ka jingdon jong ki ophis sorkar kum ophis PWD , Animal Husbandry bad Veterinary, Soil bad Water Conservation, Irrigation, Kane Police out post , PHC , BSF camp bad International Border Haat ka seng ka sngew la dei hok iaka State Bank Of India ban buh noh daka Branch bad ka ATM haka thain.
Ka seng ka sngewdei ban kyntu jur iaki nongmihkhmat jong ka Mawsynram bad Ranikor Constituency ba ki dei ban shimkhia halor kine ki mat kiba ktah ia u paitbah jongka thain Balat bad Ranikor. Kane ka dei ka kyrwoh na u samla Pynshai Wanniang, Education Secretary, KSU Balat Border Area Circle.
