Shillong, Nailur 30: Mynta ka sngi ka kong Rebecca V Suchiang kala shimti ia ka kam Chief Secretary jong ka jylla Meghalaya na u M.S Rao u ba la shong thiat mynta ka sngi ha ophis trei kam ha Secretariat.
Ka kong Rebecca ka la long ka trai jylla kaba nyngkong na ki kynthei ba poi sha kane ka kyrdan Chief Secretary naduh ba ioh ia ka jylla Meghalaya, u Chief Secretary barim ka jylla u M.S Rao u la aiti ia kane kam mynta ka sngi ha ka sngi ba u shong thait na ka kam.
Da ka jingshimti ia ka kam Chief Secretary jong ka jylla, ka kong Rebecca kan long ruh ka shongknor jong ka Meghalaya and State Vigilance Commissioner naduh mynta ka sngi ba ka shimti ia ka kam.
