Shimwai ka tourism 273.41 akar ki jaka ka MeECL ha Umiam na ka bynta ki kam shangsuwari

Shillong, Jylliew 13: Mynta ka sngi ha ka jingialang jong ka kabinet hapoh ka jingpyniaid jong u myntri rangbahka jylla u Conrad K Sangma, la shim ia ka rai ban shimwai ia ki jaka balit jong ka MeECL da ka tnad tourism na ka bynta ban shna na ka bynta ki kam shangsuwari ha kane ka jylla.

Haba kren ha ki lat pathai khubor u bah Paul Lyngdoh myntri ka sorkar jylla la ong ba ka kabinet ha kane ka jingialang ia ka skhim Chief Minister’s Regional Connectivity Scheme 2025, lyngba kane ka skhim yn pyntrei ia kam ia ki bus haduh 90 tylli ha kaba ka sorkar kan kyrshan haduh 50% ka dor jong ka kali.

Ka sorkar kan kyrshan haduh 35% ia ka jinglut haduh ban da iaid ka kali ha surok na ka jingsiew ia ka pisa ban thied kali u ne kaba thied kan siew 5% bad 60% kan long ka ram na ki Bank bad ka jingsiew ia ka ram kan long san snem ban pyndep.

Ha kane ka jingialang ka kabinet kala ia kren biang ia ka ain Meghalaya Residents Safety and Security Act na ka daw jong ka jingjia kaba dang shen ha Sohra bad ka sorkar kan dang pynbha shuh shuh ia kane ka ain ban iada na ki kam sniew bad kane ka long ban iada ia ki trai shnong.

Ka kabinet ha kane ka jingialang kala shim ia ka rai ban ai ka jingithuh ban ai ka burom sha baroh kito kiba la ia don bynta ban wad ia ki shujur kaei kaba la jia ha Sohram ka jingai burom kan long ia baroh kyrpang ia ki pulit jong ka jylla Meghalaya kiba la lah ban lap ia ki suba kiba la don kti ha kikam pyniap briew.

 

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet